News January 25, 2025
హైదరాబాద్‌లోనే ‘మల్టీవాక్’ గ్లోబల్ తొలి సెంటర్: శ్రీధర్ బాబు
ప్యాకేజింగ్ సొల్యూషన్స్‌లో గ్లోబల్ లీడర్ అయిన మల్టీవాక్ గ్రూప్ తమ తొలి ఇండియా గ్లోబల్ కేపబిలిటీ సెంటర్ (GCC) హైదరాబాద్‌లో ఏర్పాటు చేయబోతోందని మంత్రి శ్రీధర్ బాబు తెలిపారు. జ్యూరిచ్ ఇన్నోవేషన్ పార్క్‌లో నిర్వహించిన ఇన్వెస్ట్ తెలంగాణ రౌండ్‌టేబుల్ సమావేశంలో మల్టివాక్ ప్రతినిధి ఉమాశంకర్‌తో సమావేశమయ్యారు. హైదరాబాద్‌ను డిజిటల్ హబ్‌గా మారుస్తున్న ఈ ప్రయాణంలో మల్టివాక్ పాత్ర ఎంతో కీలకంగా మారనుందన్నారు.
Similar News
News November 16, 2025
NLG: పత్తి కొనుగోళ్లపై కలెక్టర్ సమీక్ష
పత్తి కొనుగోళ్లు, రైతుల సమస్యలపై కలెక్టర్ ఇలా త్రిపాఠి ఆదివారం రాత్రి జిన్నింగ్ మిల్లుల యజమానులతో సమీక్షించారు. రైతుల సంక్షేమం దృష్ట్యా సోమవారం తలపెట్టిన సమ్మెను విరమించుకోవాలని విజ్ఞప్తి చేశారు. మిల్లుల సమస్యలను ప్రభుత్వం దృష్టికి తీసుకువెళ్లి పరిష్కరిస్తామని హామీ ఇచ్చారు. అలాగే రైతులు ఇప్పుడు 12 క్వింటాళ్ల వరకు పత్తిని అమ్ముకునేందుకు వెసులుబాటు కల్పించినట్లు తెలిపారు.
News November 16, 2025
వనపర్తి: వృద్ధుల సంరక్షణ చట్టాలపై అవగాహన సదస్సు
వయోవృద్ధుల సంరక్షణ చట్టం-2007 ప్రకారం వృద్ధులకు ఏ విధమైన ఇబ్బందులు ఉన్నా, ఫిర్యాదు చేసిన తక్షణమే తగిన న్యాయం చేస్తామని జిల్లా మహిళా, శిశు సంక్షేమ శాఖ అధికారిణి సుధారాణి తెలిపారు. సోమవారం వనపర్తి ఆర్డీఓ కార్యాలయంలో వయోవృద్ధుల సంరక్షణ చట్టాలపై అవగాహన సదస్సు నిర్వహిస్తున్నట్లు తెలిపారు. వృద్ధులు అధిక సంఖ్యలో పాల్గొనాలని ఆమె కోరారు.
News November 16, 2025
మన్యం జిల్లా పంచాయతీరాజ్ ఇంజనీర్ల సంఘం అధ్యక్షునిగా సంజీవరావు
పార్వతీపురం మన్యం జిల్లా పంచాయతీ రాజ్ ఇంజనీర్ల సంఘం నూతన కార్యవర్గం ఎన్నిక ఆదివారం జరిగింది. ఏపీ ఎన్జీవో సంఘం జిల్లా కార్యదర్శి జివిఆర్ కిషోర్ ఎన్నికల అధికారిగా వ్యవహరించారు. జిల్లా అధ్యక్షుడిగా కే.సంజీవరావు, జనరల్ సెక్రటరీగా జి.చంద్రమౌళి, వైస్ ప్రెసిడెంట్‌గా డబ్ల్యూవిఎస్‌ఎస్ శర్మ, ట్రెజరీగా వి.మౌనిక, ఆర్గనైజింగ్ సెక్రటరీగా డి.కళ్యాణిదుర్గ ఎన్నికయ్యారు.