News January 6, 2026
హైదరాబాద్లో అతి పెద్ద స్టీల్ బ్రిడ్జి
TG: హైదరాబాద్లో రూ.4,263 కోట్లతో ఎలివేటెడ్ కారిడార్-2 నిర్మాణం త్వరలో ప్రారంభం కానుంది. ప్యారడైజ్ నుంచి శామీర్పేట వరకు 18.15 KM ప్రాజెక్టులో 11.52 KM స్టీల్ బ్రిడ్జి, హకీంపేట వద్ద 6 KM అండర్గ్రౌండ్ టన్నెల్ నిర్మాణం చేపట్టనున్నారు. ఇప్పటికే భూసేకరణ, టెండర్లు పూర్తయ్యాయి. ప్రస్తుతం ఇందిరాపార్క్ నుంచి VST వరకు ఒక స్టీల్ బ్రిడ్జి (2.6 KM) ఉండగా, ఇది పూర్తైతే రాష్ట్రంలో రెండోది కానుంది.
Similar News
News February 21, 2026
6 రాష్ట్రాల్లో SIR పూర్తి.. గుజరాత్లో 68 లక్షల ఓట్లు తొలగింపు
దేశంలోని 6 రాష్ట్రాలు/UTలలో SIR(స్పెషల్ ఇంటెన్సివ్ రివిజన్) పూర్తిచేసినట్లు EC వెల్లడించింది. వివిధ కారణాలతో అత్యధికంగా గుజరాత్లో 68.12L ఓట్లను తొలగించినట్లు తెలిపింది. MPలో 34.25L, రాజస్థాన్లో 31.36L, ఛత్తీస్గఢ్లో 24.99L, కేరళలో 8.97L, గోవాలో 1.27L, అండమాన్&నికోబార్లో 52K, పుదుచ్చేరిలో 77K, లక్షద్వీప్లో 206 ఓట్లను తీసివేసినట్లు పేర్కొంది. WB, TN, UP డేటాను ఈ నెలాఖరులో విడుదల చేస్తామంది.
News February 21, 2026
T20WC.. సూపర్-8లో మ్యాచ్ రద్దయితే?
T20WC సూపర్-8లో ప్రతి జట్టు 3 మ్యాచ్లు ఆడాల్సి ఉంది. ఏదైనా కారణాలతో మ్యాచ్ రద్దయితే రిజర్వ్ డే లేదు. అందువల్ల ఇరు జట్లకు చెరో పాయింట్ ఇస్తారు. దీంతో మిగిలిన మ్యాచ్లు కచ్చితంగా గెలవాలి. లేదా ఇతర గేమ్ల ఫలితాలపై ఆధారపడాల్సి ఉంటుంది. కాగా ఇవాళ జరగాల్సిన న్యూజిలాండ్-పాక్ మ్యాచ్ వర్షం కారణంగా ఇప్పటికీ ప్రారంభమవలేదు. గ్రూప్-1లో IND, SA, WI, ZIM, గ్రూప్-2లో ENG, NZ, PAK, SL ఉన్నాయి.
News February 21, 2026
రాష్ట్రంలో రేపటి నుంచి వర్షాలు!
TG: రాష్ట్రంలోని పలు జిల్లాల్లో రేపు వర్షాలు పడనున్నట్లు HYD వాతావరణ కేంద్రం తెలిపింది. 23-24వ తేదీల్లో ఆదిలాబాద్, ఆసిఫాబాద్, మంచిర్యాల, నిర్మల్, NZB, జగిత్యాల, సిరిసిల్ల, కరీంనగర్, పెద్దపల్లి, భూపాలపల్లి, మహబూబాబాద్, WGL, హనుమకొండ, జనగామ, సిద్దిపేట, సంగారెడ్డి, మెదక్, కామారెడ్డి జిల్లాల్లో ఉరుములు, మెరుపులతో కూడిన వర్షాలు పడే ఛాన్స్ ఉందని అంచనా వేసింది. ఈ మేరకు ఎల్లో అలర్ట్ జారీ చేసింది.