News January 30, 2025
హైదరాబాద్‌లో ఏం జరగనుంది?
మరో ఏడాదిలో GHMCకి ఎన్నికలు జరగనున్న నేపథ్యంలో అన్ని పార్టీలు నేటి సర్వసభ్య సమావేశాన్ని సవాల్‌గా తీసుకున్నాయి. నేటి సమావేశంలో అవిశ్వాసం, రూ.8వేల కోట్ల బడ్జెట్‌పై చర్చకు పార్టీలు సిద్ధమయ్యాయి. వీటన్నింటిని యుక్తితో ఎదుర్కోవాలని కాంగ్రెస్ కౌన్సిలర్‌లకు సూచించింది. అవిశ్వాసానికి BRSకు సంఖ్యాబలం లేదని మేయర్ విజయలక్ష్మి ధీమా వ్యక్తం చేశారు. తమకు రావాల్సిన ఫండ్ కోసం కార్పొరేటర్లు పట్టుబట్టనున్నారు.
Similar News
News November 16, 2025
HYD: కులాంతర వివాహం.. పెట్రోల్ పోసి తగులబెట్టారు!
కులాంతర వివాహానికి సహకరించాడని హత్య చేసిన ఘటన షాద్‌నగర్‌లో జరిగింది. బాధితుల ప్రకారం.. ఎల్లంపల్లివాసి చంద్రశేఖర్ అదే గ్రామానికి చెందిన యువతిని 10రోజుల క్రితం ప్రేమపెళ్లి చేసుకున్నాడు. ఈ క్రమంలో చంద్రశేఖర్ వివాహానికి అన్న రాజశేఖర్ సహకరించాడని భావించి యువతి బంధువులు 12న రాజశేఖర్‌ను మాట్లాడదామని పిలిచి కొట్టి హతమార్చారు. అనంతరం పెట్రోల్ పోసి తగలబెట్టారు. దీంతో కుటుంబసభ్యులు పోలీసులకు ఫిర్యాదు చేశారు.
News November 16, 2025
త్వరలో HYDలో ఎనిమీ ప్రాపర్టీ ప్రాంతీయ కార్యాలయం
రాష్ట్రంలో ఎనిమీ ప్రాపర్టీలు పరిరక్షణ కోసం HYDలో ప్రాంతీయ కార్యాలయం ఏర్పాటు కానున్నట్లు అధికారులు తెలిపారు. ప్రస్తుతం ముంబై ప్రాంతీయ కార్యాలయం తెలంగాణ, ఏపీ, తమిళనాడు, కర్ణాటక, కేరళ రాష్ట్రాల వ్యవహారాలు చూస్తోంది. హైదరాబాద్- రంగారెడ్డి జిల్లాల్లో ఎనిమీ ప్రాపర్టీలపై రెవెన్యూశాఖ సర్వే నిర్వహించింది. మియాపూర్ పరిధిలో వందల ఎకరాలు ఉండగా, కొంతభాగం అక్రమ ఆక్రమణకు గురైనట్లు గుర్తించారు.
News November 16, 2025
చూద్దాం పదండి.. హైదరాబాద్ అందాలు
భాగ్యనగరం అంటే చార్మినార్‌, గోల్కొండ మాత్రమే కాదు. చరిత్ర సుగంధం వెదజల్లే అనేక అపూర్వ కట్టడాలకు ఆవాసమిది. సంస్కృతి, కళ, నిర్మాణ కౌశలాల సమ్మేళనం. శతాబ్దాల నాటి వారసత్వ సంపద నగరంలో ముత్యాల్లా మెరిసిపోతున్నాయి. వాటి వెనుక కథలను వెలికితీసే ప్రయత్నమే ఇది. రోజూ ఓ చారిత్రక కట్టడం, ప్రముఖుల విశేషాలతో ‘హైదరాబాద్ అందాలు’ రానుంది. వారాంతాల్లో ఈ అందాలపై ఓ లుక్ వేయండి.<<18301143>> ఫలక్‌నుమా<<>>ప్యాలెస్ గురించి తెలుసుకుందాం.