News October 23, 2024
హైదరాబాద్‌లో గుండెపోటుతో సిక్కోలు వాసి మృతి
హైదరాబాద్‌లో పెయింటింగ్ కాంట్రాక్ట్ పనులు చేస్తూ జీవనం సాగిస్తున్న సిక్కోలు వాసి గుండెపోటుతో మృతిచెందాడు. టెక్కలి మండలం లింగాలవలస పంచాయతీ సొర్లిగాం గ్రామానికి చెందిన కూన గణపతిరావు (39) బుధవారం HYDలో గుండెపోటుతో మృతిచెందాడు. గత కొన్నేళ్లుగా జీవనోపాధి కోసం హైదరాబాద్‌కు వెళ్లిన ఆయన మృతిచెందడంతో గ్రామంలో విషాదం నెలకొంది. గురువారం నాటికి మృతదేహం స్వగ్రామం చేరుకుంటుందని గ్రామస్థులు తెలిపారు.
Similar News
News October 23, 2024
శ్రీకాకుళం: రోడ్డు ప్రమాదంలో వ్యక్తి మృతి
శ్రీకాకుళం నగరంలోని 80 ఫిట్ జాతీయ రహదారిపై బుధవారం రాత్రి ఘోర రోడ్డు ప్రమాదం చోటు చేసుకుంది. ఈ ప్రమాదంలో గుర్తుతెలియని వ్యక్తి మృతి చెందాడు. ద్విచక్రవాహనంపై కారును అతివేగంగా వచ్చి వెనుక నుంచి ఢీకొనడంతో మృతి చెందినట్లు అక్కడి స్థానికులు తెలిపారు. మృతి చెందిన వ్యక్తి పూర్తి వివరాలు తెలియాల్సి ఉంది. ఇప్పటికే పోలీసులు ఘటనా స్థలానికి చేరుకుని పరిస్థితిని పరిశీలించారు.
News October 23, 2024
SKLM: గంజాయి అక్రమ రవాణా అరికట్టాలి: ఎస్పీ
జిల్లా సరిహద్దు చెక్ పోస్టుల వద్ద విస్తృతంగా వాహన తనిఖీలు నిర్వహించి, గంజాయి అక్రమ రవాణా అరికట్టేందుకు ప్రత్యేక చర్యలు తీసుకోవాలని జిల్లా ఎస్పీ KV మహేశ్వర రెడ్డి పోలీసు అధికారులను ఆదేశించారు. బుధవారం జిల్లా ఎస్పీ కార్యాలయంలో జిల్లా వ్యాప్తంగా ఉన్న పోలీసు అధికారులతో నేర సమీక్ష సమావేశం నిర్వహించారు. ఎన్డిపిఎస్, సైబర్, ఎన్బిడౌబ్లు, ప్రాపర్టీ, క్రైమ్ అగైనిస్ట్ ఉమెన్ తదితర కేసులపై సమీక్షించారు.
News October 23, 2024
SKLM: B.Ed 2వ సెమిస్టర్ పరీక్షల నోటిఫికేషన్ విడుదల
డాక్టర్ బి.ఆర్ అంబేడ్కర్ యూనివర్సిటీ B.Ed 2వ సెమిస్టర్ పరీక్షల నోటిఫికేషన్ విడుదలైంది. ఈ మేరకు యూనివర్సిటీ ఎగ్జామినేషన్స్ డీన్ డాక్టర్ ఎస్.ఉదయ్ భాస్కర్ బుధవారం విడుదల చేశారు. అభ్యర్థులు నవంబర్ 4వ తేదీలోపు పరీక్ష ఫీజు చెల్లించాలని సూచించారు. రెగ్యులర్ అభ్యర్థులు రిజిస్ట్రేషన్ ఫీజు రూ.30, పరీక్ష ఫీజు రూ.1305తో కలిపి మొత్తం రూ.1335 చెల్లించాలని సూచించారు. పరీక్షలు నవంబర్ 19 నుంచి ప్రారంభమవుతాయి.