News August 14, 2025
హోంమంత్రి వీడియో కాన్ఫరెన్స్ లో బాపట్ల కలెక్టర్..!
బంగాళాఖాతంలో ఏర్పడిన అల్పపీడన ప్రభావంతో బాపట్ల జిల్లాలో భారీ వర్షాలు కురుస్తాయని ఏపీ విపత్తుల నిర్వహణ శాఖ హెచ్చరికలు జారీ చేసిన విషయం తెలిసిందే. ఈ నేపథ్యంలో హోంశాఖ మంత్రి వి.అనిత బుధవారం అన్ని జిల్లాల కలెక్టర్లతో వీడియో కాన్ఫరెన్స్ నిర్వహించారు. బాపట్ల జిల్లా నుంచి కలెక్టర్ వెంకట మురళీ హాజరయ్యారు. జిల్లాలో మత్స్యకారులు వేటకు వెళ్లరాదని, కొల్లూరు మండలంలో SDRF సిబ్బంది సిద్ధంగా ఉండాలని ఆదేశించారు.
Similar News
News August 14, 2025
నిర్మల్: ‘కడెం ప్రాజెక్టును నిరంతరం పర్యవేక్షిస్తున్నాం’
భారీ వర్షాలపై మంత్రి పొంగులేటి శ్రీనివాస్ రెడ్డి వీడియో కాన్ఫరెన్స్ తర్వాత, నిర్మల్ జిల్లా కలెక్టర్ అభిలాష అభినవ్ జిల్లాలో చేపట్టిన సహాయక చర్యల గరించి వివరించారు. కడెం ప్రాజెక్టును నిరంతరం పర్యవేక్షిస్తున్నామని, లోతట్టు ప్రాంతాల ప్రజలను అప్రమత్తం చేశామని తెలిపారు. అత్యవసర సహాయం కోసం 24 గంటల కంట్రోల్ రూమ్‌ను (9100577132) ఏర్పాటు చేసినట్లు పేర్కొన్నారు.
News August 14, 2025
నిర్మల్: సహాయక చర్యల కోసం జిల్లాకు రూ.కోటి
CM రేవంత్ రెడ్డి ఆదేశాల మేరకు భారీ వర్షాల నేపథ్యంలో మంత్రి పొంగులేటి శ్రీనివాస్ రెడ్డి గురువారం జిల్లా కలెక్టర్లతో వీడియో కాన్ఫరెన్స్ నిర్వహించారు. సహాయక చర్యలకు ప్రతి జిల్లాకు రూ.కోటి కేటాయించడంతో పాటు సీనియర్ అధికారులను స్పెషల్ ఆఫీసర్లుగా నియమించారు. జిల్లాలో ఎలాంటి ప్రాణ, ఆస్తినష్టం జరగకుండా చర్యలు తీసుకోవాలని జిల్లా స్థాయి అధికారులను కలెక్టర్ అభిలాష అభినవ్ ఆదేశించారు.
News August 14, 2025
నంద్యాలలో వెలుగులోకి నకిలీ లెటర్ల మోసం?
నంద్యాల కేంద్రంగా టీటీడీ దర్శనం కోసం నకిలీ లెటర్లు తయారుచేసి రూ.వేలకు అమ్ముకుంటున్న వైనం వెలుగులోకి వచ్చింది. బైర్మల్ వీధిలో అద్దెకు నివసించే ఓ యువకుడు ఉమ్మడి జిల్లాలోని ప్రజాప్రతినిధుల పేర్లతో నకిలీ లెటర్లు తయారు చేస్తున్నట్లు బాధితుల ఫిర్యాదుతో పోలీసులు గుర్తించారు. తాజాగా ఎంపీ బైరెడ్డి శబరి పేరుతో నకిలీ లెటర్ తయారు చేసి నెల్లూరు వాసులకు ఇచ్చినట్లు తెలిసింది. పోలీసులు లోతుగా దర్యాప్తు చేపట్టారు.