News March 13, 2025
హోలీ పండుగ.. MHBD జిల్లా ప్రజలకు ఎస్పీ కీలక సూచన
హోలీ పండుగను సురక్షితంగా, బాధ్యతగా జరుపుకోవాలని మహబూబాబాద్ జిల్లా ఎస్పీ సుధీర్ రామ్నాథ్ కేకన్ సూచించారు. హోలీ పండుగ సందర్భంగా జిల్లా ప్రజలకు పోలీస్ శాఖ తరఫున పలు సూచనలు చేశారు. చర్మానికి, పర్యావరణానికి హానికరం కానీ సహజ రంగులను ఉపయోగించాలన్నారు. మద్యపానం సేవించి వాహనాలను నడపద్దని ప్రజా స్థలాల్లో మర్యాదగా వ్యవహరించి ప్రశాంతమైన పండుగను జరుపుకోవాలని అన్నారు.
Similar News
News March 13, 2025
నల్గొండ: మహిళల పట్ల అసభ్యంగా ప్రవర్తిస్తే కఠిన చర్యలు: SP
జిల్లా ప్రజలకు జిల్లా ఎస్పీ శరత్ చంద్ర పవార్ ముందస్తుగా హోలీ పండుగ శుభాకాంక్షలు తెలిపారు. ఆయన మాట్లాడుతూ.. హోలీ వేడుకలు ఇతరులకు హాని కలిగించకుండా ప్రశాంత వాతావరణంలో నిర్వహించుకోవాలని సూచించారు. మహిళల పట్ల అసభ్యంగా ప్రవర్తిస్తే కఠిన చర్యలు తీసుకుంటామని హెచ్చరించారు. మద్యం తాగి వాహనాలు నడిపితే కేసు ఫైల్ కావడంతో పాటు వాహనాలు సీజ్ చేస్తామన్నారు.
News March 13, 2025
అసెంబ్లీ వద్ద భారీగా మార్షల్స్ మోహరింపు
తెలంగాణ అసెంబ్లీలో ఘర్షణ వాతావరణం నెలకొంది. స్పీకర్ గడ్డం ప్రసాద్‌పై మాజీ మంత్రి జగదీశ్ రెడ్డి <<15744584>>వ్యాఖ్యలు<<>> తీవ్ర దుమారం రేపాయి. దీంతో సభను స్పీకర్ వాయిదా వేయగా కొద్దిసేపటి క్రితమే తిరిగి పున:ప్రారంభం అయింది. జగదీశ్‌పై స్పీకర్ ఎలాంటి నిర్ణయం తీసుకుంటారనే దానిపై ఉత్కంఠ నెలకొంది. అటు సభ వద్ద భారీగా మార్షల్స్‌ను మోహరించారు.
News March 13, 2025
KMR: హోలీని సురక్షితంగా జరుపుకోవాలి: SP
కామారెడ్డి జిల్లా ప్రజలు హోలీ పండుగను సురక్షితంగా, ఆనందంగా జరుపుకోవాలని జిల్లా ఎస్పీ రాజేశ్ చంద్ర కోరారు. గురువారం ఆయన ఓ ప్రకటనను విడుదల చేశారు. శాంతి భద్రతలకు భంగం కలిగించేలా మద్యం మత్తులో వాహనాలు నడుపోద్దన్నారు. చెర్వుల్లో, కుంటల్లో లోతైన నీటిలోకి వెళ్లి ప్రమాదబారిన పడవద్దని సూచించారు. సురక్షితమైన రంగులను వాడి హోలీ జరుపుకోవాలన్నారు. తల్లిదండ్రులు పిల్లల పట్ల జాగ్రత్త వహించాలని సూచించారు.