News February 7, 2025
10న శ్రీశైలానికి మంత్రులు
శ్రీశైల క్షేత్రంలో ఫిబ్రవరి 19 నుంచి మార్చి 1 వరకు బ్రహ్మోత్సవాలు జరగనున్నాయి. ఈ నెల 23న సీఎం చంద్రబాబు శ్రీశైలానికి రానున్నారు. ఈ నేపథ్యంలో ఈ నెల 10న పలువురు మంత్రులు క్షేత్రానికి చేరుకుని ఏర్పాట్లను పరిశీలించనున్నారు. మంత్రులు పయ్యావుల కేశవ్, ఆనం రామనారాయణరెడ్డి, ఎన్ఎండీ ఫరూక్, అనిత, అనగాని సత్యప్రసాద్, అలాగే నంద్యాల ఎంపీ బైరెడ్డి శబరి, స్థానిక ఎమ్మెల్యే బుడ్డా ఏర్పాట్లు పరిశీలిస్తారు.
Similar News
News November 29, 2025
అధికారులు అప్రమత్తంగా ఉండాలి: మంత్రి ఆనం
దిత్వా తుఫాన్ హెచ్చరిక నేపథ్యంలో నెల్లూరు జిల్లాలో అధికారులు అప్రమత్తంగా ఉండాలని దేవాదాయ శాఖ మంత్రి ఆనం రామనారాయణ రెడ్డి ఆదేశించారు. పెన్నా పరివాహక ప్రాంతాలు, తీరప్రాంత గ్రామాల్లో ముందస్తు చర్యలు తీసుకోవాలని సూచించారు. మత్స్యకారులను వేటకు వెళ్లకుండా అవగాహన కల్పించాలని రెవెన్యూ అధికారులకు సూచించారు. చెరువులు, వాగుల పరిస్థితులను ఇరిగేషన్ అధికారులు నిరంతరం సమీక్షించాలని ఆదేశించారు.
News November 29, 2025
రాజన్న సిరిసిల్ల జిల్లా బీజేపీ ఇన్చార్జిగా మోహన్ రెడ్డి
BJP జిల్లా ఇన్చార్జిగా గంగాడి మోహన్ రెడ్డి నియమితులయ్యారు. ఈ మేరకు BJP రాష్ట్ర ప్రధాన కార్యదర్శి డాక్టర్ N. గౌతమ్ రావు ఉత్తర్వులు జారీ చేశారు. సిద్దిపేటకు చెందిన మోహన్ రెడ్డి గతంలో సిరిసిల్ల ఇన్చార్జిగా, సిద్దిపేట జిల్లా అధ్యక్షుడిగా పనిచేశారు. ఆయన నియామకం పట్ల జిల్లా మాజీ అధ్యక్షుడు ప్రతాప రామకృష్ణ, గోపు బాలరాజు తదితరులు హర్షం వ్యక్తం చేశారు.
News November 29, 2025
శ్రీకాళహస్తి గుడిలో చిచ్చు రేపిన సీసీ కెమెరాలు..!
శ్రీకాళహస్తి దేవస్థానంలో సీసీ కెమెరాల వ్యవహారం ఛైర్మన్ కొట్టే సాయి, ఈవో బాపిరెడ్డి మధ్య తీవ్ర విభేదాలకు దారితీసినట్లు తెలుస్తోంది. ఆయన ఛైర్మన్ అయ్యాక గుడిలో తనిఖీలు ముమ్మరం చేశారు. అలాగే తన గదిలోని మానిటర్ ద్వారా సీసీ కెమెరాలను తరచూ పర్యవేక్షిస్తున్నారు. మానిటర్ కనెక్షన్‌ను అధికారులు తొలగించారు. EO తనను లెక్కచేయడం లేదని పవన్‌కు సాయి, దేవాదాయఖ శాఖ ఉన్నతాధికారులకు ఈవో ఫిర్యాదు చేసినట్లు సమాచారం.