News December 31, 2024
ఈ రంగాల్లో.. 10 లక్షల ఉద్యోగాలు
క్వాంటమ్ కంప్యూటింగ్, జెనరేటివ్ AI టెక్నాలజీలు నేర్చుకున్న వారికి మంచి భవిష్యత్ ఉంటుందని క్వెస్ ఐటీ సాఫ్టింగ్ సంస్థ వెల్లడించింది. 2030 కల్లా 10 లక్షల ఉద్యోగాలు లభిస్తాయని అంచనా వేసింది. AI, మెషీన్ లెర్నింగ్, సైబర్ సెక్యూరిటీ, క్లౌడ్ కంప్యూటింగ్, డేటా సైన్స్, బ్లాక్ చైన్ టెక్నాలజీలు ఎన్నో మార్పులు తెస్తున్నాయంది. టెక్ ఉద్యోగాల కల్పనలో బెంగళూరు టాప్లో, HYD, పుణే ఆ తర్వాతి స్థానాల్లో ఉన్నాయంది.
Similar News
News January 21, 2026
చీనీ, నిమ్మలో ఈ లక్షణాలు కనిపిస్తున్నాయా?
చీనీ, నిమ్మ తోటల్లో ఆకు, కాయ మచ్చ తెగులు (ఆల్టర్నేరియా) కనపడుతోంది. ఇది సోకితే ఆకులపై మచ్చల చుట్టూ పసుపు రంగు వలయం, కాయలపై ముదురు గోధుమ, నలుపు రంగులో మచ్చలు ఏర్పడతాయి. దీనివల్ల పంట దిగుబడి తగ్గిపోతుంది. నివారణకు 2 గ్రా. క్లోరోథలోనిల్, 1ML అజాక్సీస్ట్రోబిన్, 1ML ప్రొపికొనజోల్ మందులను లీటరు నీటికి కలిపి పిచికారీ చేయాలి. ఎండిన కొమ్మలు, తెగులు సోకిన ఆకులు, కాయలను ఏరివేసి నాశనం చేయాలి.
News January 21, 2026
శీతాకాలంలోనూ సన్స్క్రీన్ రాసుకోవాలా?
శీతాకాలంలో వాతావరణం చల్లగా ఉండి, మబ్బుల వల్ల సూర్యకిరణాలు తక్కువగా పడుతుంటాయి. దీంతో చాలామంది ఈ కాలంలో సన్స్క్రీన్ రాసుకోరు. కానీ ఇది సరికాదంటున్నారు నిపుణులు. మబ్బులున్నా కూడా సూర్యరశ్మిలోని హానికరమైన UV రేస్ భూమిని చేరుకుంటాయి. కాబట్టి సన్స్క్రీన్ స్కిప్ చేయకూడదంటున్నారు. Broad-spectrum సన్స్క్రీన్ను ఎంచుకోవాలని, దాని SPF 50 లేదా అంతకంటే ఎక్కువ ఉండాలని సూచించారు.
News January 21, 2026
మానస స్నానం అంటే తెలుసా?
మానస స్నానం అంటే నీటితో కాకుండా, మనసుతో చేసే పవిత్ర స్నానం. విష్ణువును ధ్యానిస్తూ, ఆయన రూపం, దివ్య నామాలను మనసులో నిలుపుకోవడమే దీని ఉద్దేశ్యం. పుండరీకాక్షుడిని స్మరించడం వల్ల లోపల, బయట కూడా శుద్ధి జరుగుతుంది. బాహ్య స్నానం శరీరాన్ని శుభ్రపరిస్తే, మానస స్నానం మనసులోని మలినాలను, అశాంతిని తొలగిస్తుంది. అన్ని రకాల స్నాన పద్ధతులలో ఇది అత్యంత విశిష్టమైనదిగా, పుణ్యప్రదమైనదిగా శాస్త్రాలు చెబుతున్నాయి.