News January 8, 2025
12న పాకాలలో బర్డ్ వాక్
వరంగల్ జిల్లా ఖానాపురం మండలం పాకాల అభయారణ్యంలో ఈ నెల 12న బర్డ్ వాక్ నిర్వహించనున్నారు. దేశ, విదేశాలకు చెందిన 50కి పైగా రకాల పక్షులు ఏటా చలికాలంలో పాకాల అభయరణ్యానికి అతిథులుగా వస్తుంటాయి. వేసవి ముందు తిరిగి వాటి ప్రాంతాలకు వెళ్ళిపోతుంటాయి. వాటిని వీక్షించేందుకు బర్డ్ వాక్ కార్యక్రమాన్ని ఏర్పాటు చేశారు. ఈ నెల 10 వరకు పేర్లను నమోదు చేసుకోవాలని వైల్డ్ లైఫ్ ఫొటో గ్రాఫర్లు తెలిపారు.
Similar News
News January 9, 2025
BHPL: భర్తపై భార్య కత్తితో దాడి.. సహకరించిన కొడుకులు
ఆస్తి కోసం కొడుకులతో కలిసి భర్తపై భార్య దాడి చేసిన ఘటన మొగుపల్లి(M) బంగ్లాపల్లిలో జరిగింది. స్థానికుల వివరాలు.. గ్రామానికి చెందిన శ్రీనివాస్ 6 ఎకరాల భూమిని వారి పేరు మీద రాయాలంటూ భార్య, ముగ్గురు కుమారులు తరచూ ఒత్తిడికి గురి చేశారు. ఈ విషయంపై శ్రీనివాస్ పోలీసులకు ఫిర్యాదు చేశారు. ఈ క్రమంలో బుధవారం భార్య, ముగ్గురు కొడుకులు కత్తితో శ్రీనివాస్‌పై దాడి చేయగా ప్రస్తుతం శ్రీనివాస్ పరిస్థితి విషమంగా ఉంది.
News January 9, 2025
సమాజంలో మహిళా ఉద్యోగులు ఎంతో కీలకం: జనగామ కలెక్టర్
సమాజంలో మహిళా ఉద్యోగులు ఎంతో కీలకమని కలెక్టర్ రిజ్వాన్ బాషా అన్నారు. బుధవారం జనగామ కలెక్టరేట్లో మహిళా శిశు, సంక్షేమ శాఖ ఆధ్వర్యంలో మహిళా వేధింపుల చట్టం, లైంగిక చట్టాలపై నిర్వహించిన అవగాహన సదస్సులో ఆయన పాల్గొని మాట్లాడారు. మహిళా ఉద్యోగులపై లైంగిక వేధింపులకు పాల్పడటం చట్టరీత్యా నేరమని అన్నారు. ఈ కార్యక్రమంలో జిల్లా సంక్షేమ అధికారి ఫ్లోరెన్స్, తదితరులు పాల్గొన్నారు.
News January 8, 2025
ఇందిరమ్మ ఇండ్ల లబ్ధిదారుల ఎంపికలో పారదర్శకంగా వ్యవహరించాలి: WGL కలెక్టర్
ఇందిరమ్మ ఇండ్ల లబ్ధిదారుల ఎంపికలో అధికారులు అత్యంత పారదర్శకంగా వ్యవహరించాలని జిల్లా కలెక్టర్ డా.సత్య శారద ఆదేశించారు. బుధవారం జిల్లా కలెక్టరేట్లో ఇందిరమ్మ ఇండ్ల ప్రత్యేక అధికారులు, తహసీల్దార్లతో సమావేశం నిర్వహించారు. ఇందిరమ్మ ఇండ్ల విషయంలో అధికారులు ప్రజాపాలనలో స్వీకరించిన దరఖాస్థులను పరిశీలించాలని కలెక్టర్ సూచించారు.