News October 24, 2025
రాష్ట్రంలో 121 పోస్టులు… అప్లైకి ఎల్లుండే ఆఖరు తేదీ
ఏపీలోని మంగళగిరి ఎయిమ్స్‌లో 121 ఫ్యాకల్టీ పోస్టులకు అప్లై చేయడానికి ఎల్లుండే (OCT 26) ఆఖరు తేదీ. పోస్టును బట్టి MBBS, MD/MS, M.Ch, DM ఉత్తీర్ణతతో పాటు పనిఅనుభవం ఉండాలి. Asst ప్రొఫెసర్, అసోసియేట్ ప్రొఫెసర్ పోస్టులకు గరిష్ఠంగా 50ఏళ్లు, ప్రొఫెసర్, అడిషనల్ ప్రొఫెసర్ పోస్టులకు 58ఏళ్లు మించరాదు. ఇంటర్వ్యూ ఆధారంగా ఎంపిక ఉంటుంది. *మరిన్ని <<-se_10012>>ఉద్యోగ<<>> నోటిఫికేషన్ల కోసం జాబ్స్ కేటగిరీకి వెళ్లండి.
Similar News
News October 24, 2025
వంటింటి చిట్కాలు
* పకోడీలు చేసేటప్పుడు పిండిలో కొంచెం సోడా కలిపితే అవి బాగా పొంగుతాయి.
* వెల్లుల్లిని దంచి నీటిలో కలిపి.. బొద్దింకలు ఎక్కువగా ఉండే చోట పెడితే వాటి బారి నుంచి తప్పించుకోవచ్చు.
* కూరలో నూనె ఎక్కువైతే రెండు బ్రెడ్ ముక్కలను పొడి చేసి వేయడం వల్ల నూనెను పీల్చుకోవడంతో పాటు, కూర రుచిగా ఉంటుంది.
* చేతులకు కొబ్బరినూనె రాసుకొని పచ్చిమిర్చి కోస్తే, చేతులు మండవు.
News October 24, 2025
స్వాతి కార్తె అంటే ఏంటి?
27 నక్షత్రాల ఆధారంగా రైతులు ఏర్పరచుకున్న కార్తెల్లో ఇదొకటి. సూర్యుడు స్వాతి నక్షత్రానికి దగ్గరగా ఉన్న సమయాన్ని ఈ కార్తె సూచిస్తుంది. ఇది OCT 24 నుంచి NOV 6 వరకు ఉంటుంది. ఈ కార్తెలో పడే వర్షాలను ‘స్వాతి వానలు’ అంటారు. ఈ వర్షాలు వరికి ప్రతికూలం. మెట్ట పంటలకు అనుకూలం. ‘చిత్త చిత్తగించి, స్వాతి చల్లజేసి’ అనే సామెత ఈ వర్షాల ప్రాముఖ్యతను తెలుపుతుంది. వరి కోతలు, రబీ జొన్న సాగు పనులు ఇప్పుడు మొదలవుతాయి.
News October 24, 2025
ఇక ఇంటర్ ఫస్టియర్‌లోనూ ప్రాక్టికల్స్
TG: ఇంటర్ విద్యలో సమూల మార్పులు తీసుకొచ్చేలా బోర్డు ప్రతిపాదనలకు సీఎం రేవంత్ గ్రీన్ సిగ్నల్ ఇచ్చారు. ఇప్పటివరకు సెకండియర్‌కు మాత్రమే ప్రాక్టికల్స్ ఉండేవి. వచ్చే ఏడాది నుంచి ఫస్టియర్ విద్యార్థులకు సైతం ప్రాక్టికల్స్ నిర్వహించనున్నారు. అన్ని సబ్జెక్టుల్లో 80% రాత పరీక్ష, 20% మార్కులు ఇంటర్నల్స్‌కు కేటాయిస్తారు. ఇంటర్‌లో కొత్తగా ACE(ఎకౌంటెన్సీ, కామర్స్, ఎకనామిక్స్) గ్రూపును ప్రవేశ పెట్టనున్నారు.