News February 15, 2025
18, 19వ తేదీల్లో కృష్ణా ఎక్స్ప్రెస్ రీ షెడ్యూల్
వరంగల్ మీదుగా నడిచే కృష్ణా ఎక్స్ప్రెస్ ట్రైన్ను నిర్ణీత సమయం కన్నా 90 నిమిషాల తేడాతో ఈ నెల 18, 19న రీ షెడ్యూల్ చేస్తున్నట్లు రైల్వే అధికారులు తెలిపారు. విజయవాడ- కాజీపేట మధ్య ఇంటర్ లాకింగ్ సిస్టం వర్క్ బ్లాక్తో వరంగల్, కాజీపేట మీదుగా నడిచే పలు రైళ్లను దారి మళ్లించినట్లు చెప్పారు. ఈ నెల 17 నుంచి 20 వరకు షాలిమార్, కోణార్క్ రైళ్లను దారి మళ్లించారు. ఈ విషయాన్ని రైల్వే ప్రయాణికులు గమనించాలన్నారు.
Similar News
News December 7, 2025
పులివెందుల: ‘పన్ను కట్టలేని స్థితిలో పార్టీ’
దేశ రాజకీయాలను శాసించిన పార్టీ మున్సిపాలిటీకి పన్ను కట్టలేని స్థితిలో ఉంది. పులివెందులలోని కాంగ్రెస్ పార్టీ కార్యాలయానికి సంబంధించి 2006 నుంచి ఇప్పటివరకు కట్టాల్సిన రూ.3.50 లక్షల పన్ను బకాయిలు చెల్లించాలని ఇటీవల కాంగ్రెస్ నాయకులకు మున్సిపల్ అధికారులు నోటీసులు ఇచ్చారు. కాగా పన్ను బకాయిలపై కాంగ్రెస్ నాయకులు స్పందించలేదని తెలుస్తోంది. దీనిపై మున్సిపల్ అధికారులు ఏమి చర్యలు తీసుకుంటారో వేచి చూడాలి.
News December 7, 2025
సైనికుల సేవలు అమూల్యం: ఇలక్కియా
దేశ రక్షణ కోసం ప్రాణాలు అర్పించిన సైనికుల సేవలు అమూల్యమని ఇన్ఛార్జ్ కలెక్టర్ ఇలక్కియా తెలిపారు. సాయుధ దళాల పతాక దినోత్సవం ఎన్టీఆర్ కలెక్టరేట్ కార్యాలయంలో ఆదివారం నిర్వహించారు. వీరమరణం పొందిన సైనికుల కుటుంబాలు, వికలాంగులు, అనారోగ్యంతో బాధపడుతున్న మాజీ సైనికులకు ఈ నిధి ఉపయోగపడుతుందని చెప్పారు. జిల్లా ప్రజలు, వ్యాపారవేత్తలు, సంస్థలు విరాళాలు అందించాలని ఆమో పిలుపునిచ్చారు.
News December 7, 2025
వీటిని తింటే కళ్లద్దాల అవసరమే రాదు
ప్రస్తుత రోజుల్లో చిన్నారులను సైతం కంటి చూపు సమస్యలు వేధిస్తున్నాయి. పోషకాహార లోపమే దీనికి ప్రధాన కారణమని వైద్యులు చెబుతున్నారు. రోజూ క్యారెట్, పాలకూర, బచ్చలికూర వంటి ఆకుకూరలు, చిలకడదుంపలు తినిపిస్తే Vitamin A సమృద్ధిగా లభిస్తుంది. చేపలు, వాల్నట్స్, అవిసె గింజల్లో ఉండే ఒమేగా-3 ఫ్యాటీ యాసిడ్లు వల్ల కళ్ల ఆరోగ్యం మెరుగవుతుంది. క్యాప్సికం, బ్రోకలీ వంటి ఆహారాలు కూడా కంటి నరాలకు మేలు చేస్తాయి.