News December 29, 2025
2025లో 1.22 లక్షల మంది ఐటీ ఉద్యోగుల తొలగింపు
ఈ ఏడాది ప్రపంచవ్యాప్తంగా ఐటీ కంపెనీలు లక్షకు పైగా టెక్ ఉద్యోగులకు లేఆఫ్స్ ప్రకటించినట్లు ఓ అధ్యయనంలో తేలింది. 257 కంపెనీలు 1.22 లక్షల మందిని తొలగించాయని Layoffs.fyi అనే ట్రాకర్ పేర్కొంది. అందులో టీసీఎస్, అమెజాన్, మైక్రోసాఫ్ట్ లాంటి బడా కంపెనీలూ ఉన్నాయి. ఆర్టిఫిషియల్ ఇంటెలిజెన్స్ ప్రధాన కారణం కాగా టారిఫ్స్, ద్రవ్యోల్బణం వల్ల ఖర్చులు తగ్గించుకునేందుకు ఉద్యోగులను తొలగించాయి.
Similar News
News December 31, 2025
చీని, నిమ్మ తోటల్లో ఎగిరే పేను బెడద
చీని, నిమ్మ తోటల్లో కొన్నేళ్లుగా ఎగిరేపేను ఉద్ధృతి కనిపిస్తోంది. ఈ పురుగులు లేత ఆకులు, పూతను ఆశించి రసం పీల్చడం వల్ల ఆకులు వాడిపోయి, వంకర్లు తిరగడంతో పాటు పూత కూడా రాలిపోతోంది. దీని వల్ల మొక్కల పెరుగుదల ఆగిపోయి కొమ్మలు పై నుంచి కిందకు ఎండిపోతాయి. రసం పీల్చడం వల్ల ఆకులు, కాయలపై జిగురు వంటి పదార్థం విడుదలై నల్లని బూజు ఏర్పడుతుంది. ఎగిరే పేను వల్ల చీని, నిమ్మ తోటల్లో శంకు తెగులు కూడా వ్యాపిస్తుంది.
News December 31, 2025
IISER తిరుపతిలో ఉద్యోగాలకు దరఖాస్తుల ఆహ్వానం
తిరుపతిలోని ఇండియన్ ఇన్స్టిట్యూట్ ఆఫ్ సైన్స్ ఎడ్యుకేషన్ అండ్ రీసెర్చ్ (IISER)లో 22 నాన్ టీచింగ్ పోస్టుల భర్తీకి దరఖాస్తు ప్రక్రియ కొనసాగుతోంది. అర్హతగల వారు FEB 2 వరకు అప్లై చేసుకోవచ్చు. పోస్టును బట్టి BE, B.Tech, డిప్లొమా, MBBS, MD, PG, MSc, MCA, BS-MS, M.LSc, BSc ఉత్తీర్ణతతో పాటు పని అనుభవం ఉండాలి. స్క్రీనింగ్/స్కిల్/రాత పరీక్ష ద్వారా ఎంపిక చేస్తారు. వెబ్సైట్: www.iisertirupati.ac.in
News December 31, 2025
మేడిగడ్డ పునరుద్ధరణ పనులకు సిద్ధం: L&T
మేడిగడ్డపై ప్రభుత్వ నోటీసులకు L&T స్పందించింది. పనులు పునరుద్ధరించాలన్న సర్కార్ నోటీసులపై సానుకూలత వ్యక్తం చేసింది. అందుకు సిద్ధంగా ఉన్నామని తెలిపింది. ప్రాజెక్ట్ పెండింగ్ బకాయిలు చెల్లించాలని కోరింది. మేడిగడ్డ కుంగిపోవడానికి నిర్మాణ సంస్థ అయిన L&Tనే కారణమని విజిలెన్స్, NDSA రిపోర్టులో తేల్చిన విషయం తెలిసిందే. దాంతో కుంగిన బ్యారేజీలకు నిర్మాణ సంస్థనే రిపేరు చేయాలని ప్రభుత్వం పలు నోటీసులు పంపింది.