News January 1, 2026
2026 ఎన్నికల హడావుడి.. ఎవరి కోట కదిలేనో?
2026లో బెంగాల్, TN, కేరళ, అస్సాం అసెంబ్లీతో పాటు తెలుగు రాష్ట్రాల్లోనూ ఎన్నికల హడావుడి ఉండనుంది. WBలో మమతకు BJP పోటీ ఇస్తుంటే.. తమిళనాడులో విజయ్ ఎంట్రీతో లెక్కలు మారాయి. కేరళలో లెఫ్ట్ కోట కదులుతుండగా.. అస్సాంలో కాంగ్రెస్ తన అదృష్టాన్ని పరీక్షించుకోనుంది. APలో పంచాయతీ, TGలో మున్సిపల్ ఎన్నికలు లీడర్లకు అగ్నిపరీక్షగా మారనున్నాయి. దేశవ్యాప్తంగా రాజ్యసభ ఎన్నికలూ ఈ ఏడాది హాట్ టాపిక్గా కానున్నాయి.
Similar News
News February 21, 2026
ఆరోగ్యకరమైన జుట్టుకు చిలగడదుంప
చిలగడదుంపను ఆహారంలో చేర్చుకోవడం ద్వారా అనేక ఆరోగ్య ప్రయోజనాలను పొందవచ్చని పోషకాహార నిపుణులు వెల్లడిస్తున్నారు. ముఖ్యంగా జుట్టు రాలడాన్ని ఇది అడ్డుకుంటుంది. చిలగడదుంపలో ఉండే బీటా-కెరోటిన్, విటమిన్ ఏ, సి, బి, ఇ, పొటాషియం, మాంగనీస్ వంటి ఖనిజాలు జుట్టు రాలడం, పల్చబడటాన్ని తగ్గిస్తాయి. దీన్ని తరచూ ఆహారంలో భాగం చేసుకుంటే ఆరోగ్యకరమైన జుట్టు మీ సొంతమవుతుందని నిపుణులు చెబుతున్నారు.
News February 21, 2026
REWIND: ఆ విషాదానికి 13 ఏళ్లు
నేటితో 2013 హైదరాబాద్ జంట పేలుళ్లకు పదమూడేళ్లు. ఆ చీకటి రోజును ఒక్కసారి రివైండ్ చేసుకుంటే.. దిల్సుఖ్నగర్ రక్తసిక్తమైన దృశ్యాలు కళ్లముందు కదలాడుతాయి. ఉగ్రవాదులు సైకిళ్లపై అమర్చిన బాంబుల ధాటికి 18మంది బలవ్వగా 131మంది గాయపడ్డారు. ఇది భాగ్యనగరానికి ఒక మాయని మచ్చ. ఈ కేసులో ఐదుగురు ఇండియన్ ముజాహిదీన్ ఉగ్రవాదులకు కోర్టు మరణశిక్ష విధించింది. నగరం గతాన్ని మర్చిపోయినా ఆ గాయం మాత్రం ఇంకా పచ్చిగానే ఉంది.
News February 21, 2026
మదనపల్లె మృగాడు మృతి.. CM ఏమన్నారంటే?
AP: మదనపల్లె హత్యాచార నిందితుడు కులవర్ధన్ ఆత్మహత్యపై CM చంద్రబాబు వినుకొండ సభలో స్పందించారు. ‘మదనపల్లెలో గంజాయి సేవించి మానవ మృగంగా ప్రవర్తించాడు. ఆడబిడ్డల జోలికొస్తే అది వారికి చివరి రోజు అవుతుందని హెచ్చరించా. చట్టం కఠినంగా వ్యవహరిస్తుందన్న భయంతో అతను ప్రాణాలు తీసుకున్నాడు’ అని చెప్పారు. ఘటన అనంతరం నిందితుడు ఆత్మహత్య చేసుకోగా మృతదేహాన్ని తీసుకోవడానికి కుటుంబీకులు ముందుకు రాని విషయం తెలిసిందే.