News December 23, 2025
4,116 పోస్టులు.. దరఖాస్తుకు రేపే లాస్ట్ డేట్
RRC నార్తర్న్ రైల్వేలో 4,116 అప్రెంటిస్ పోస్టులకు అప్లై చేయడానికి రేపే ఆఖరు తేదీ. టెన్త్, ఐటీఐ అర్హతగల వారు అప్లై చేసుకోవచ్చు. అభ్యర్థుల గరిష్ఠ వయసు 24ఏళ్లు. రిజర్వేషన్ గలవారికి ఏజ్లో సడలింపు ఉంది. దరఖాస్తు ఫీజు రూ.100. టెన్త్, ఐటీఐలో సాధించిన మెరిట్ ఆధారంగా ఎంపిక చేస్తారు. FEBలో మెరిట్ జాబితా విడుదల చేస్తారు. వెబ్సైట్: www.rrcnr.org *మరిన్ని ఉద్యోగాల కోసం <<-se_10012>>జాబ్స్<<>> కేటగిరీకి వెళ్లండి.
Similar News
News December 25, 2025
తెలుసా..?: 3 సార్లు ఫెయిలైతే సర్పంచ్ తొలగింపు
తెలంగాణ పంచాయతీరాజ్ చట్టం-2018లో సర్పంచ్లకు అధికారాలతో పాటు విధుల గురించి ప్రస్తావించారు. కేటాయించిన నిధులు సరిగా ఖర్చు చేయకుంటే పాలకవర్గం మొత్తాన్ని రద్దు చేయొచ్చు. ఇక 2 నెలలకు ఓ సారి జరగాల్సిన గ్రామసభలు వరుసగా 3 సార్లు నిర్వహించకపోయినా సర్పంచ్ను తొలగించవచ్చు. ప్రజలకు అవగాహన, చైతన్యం పెరిగిన నేపథ్యంలో పాలకులు ఏ మాత్రం ఆదమరిచి ఉన్నా పదవులు ఊడే అవకాశముంది జాగ్రత్త.
News December 25, 2025
వైద్య రంగంలో PPPతోనే మేలు: నడ్డా లేఖ
AP: వైద్యరంగంలో PPP విధానంతో మేలు జరుగుతుందని కేంద్ర మంత్రి నడ్డా పేర్కొన్నారు. ‘పైలెట్ ప్రాజెక్టు వ్యయంలో 80%, 5 ఏళ్లపాటు నిర్వహణ వ్యయంలో 50% వయబిలిటీ గ్యాప్ ఫండ్ కింద అందుతుంది. మొత్తంగా 40%వరకు కేంద్ర సాయం ఉంటుంది. మౌలిక వసతులు భారీగా సమకూరుతాయి. సేవల నాణ్యత, పారదర్శకత పెరుగుతుంది’ అని మంత్రి సత్యకుమార్ యాదవ్కు రాసిన లేఖలో పేర్కొన్నారు. PPP సెల్ ఏర్పాటు చేయాలని సూచించారు.
News December 25, 2025
ఇకపై ‘కామెలియా సినెన్సిస్’ ఆకులతో చేసేదే టీ!
కేవలం ‘కామెలియా సినెన్సిస్’ (టీ మొక్క శాస్త్రీయ నామం) ఆకులతో చేసే డ్రింక్ను మాత్రమే ‘Tea’ అనాలని FSSAI స్పష్టం చేసింది. హెర్బల్ టీ, ఫ్లవర్ టీ లేదా రూయిబోస్ టీ వంటి డ్రింక్స్కు ‘టీ’ అనే ట్యాగ్ వాడటం తప్పుదోవ పట్టించడమే అవుతుందని తెలిపింది. ఇకపై ఇలాంటి డ్రింక్స్ను ‘Tea’గా కాకుండా ఇతర పేర్లతో విక్రయించాలని సూచించింది. నిబంధనలు ఉల్లంఘించే వారిపై చర్యలు తీసుకోవాలని అధికారులను ఆదేశించింది.