News October 10, 2025
IOCLలో 523పోస్టులు.. అప్లైకి రేపే లాస్ట్ డేట్
ఇండియన్ ఆయిల్ కార్పొరేషన్ లిమిటెడ్(IOCL)లో 523 గ్రాడ్యుయేట్, టెక్నీషియన్ అప్రెంటిస్‌ పోస్టులకు అప్లై చేయడానికి రేపే(OCT 11)ఆఖరు తేదీ. డిగ్రీ, డిప్లొమా, ఐటీఐ చేసినవారు అర్హులు. అభ్యర్థుల వయసు 18 నుంచి 24ఏళ్ల మధ్య ఉండాలి. రిజర్వేషన్ గల అభ్యర్థులకు వయోపరిమితిలో సడలింపు కలదు. విద్యార్హతలో సాధించిన మార్కుల ఆధారంగా అభ్యర్థులను ఎంపిక చేస్తారు. వెబ్‌సైట్: https://iocl.com/
Similar News
News October 10, 2025
డిసెంబర్‌లో ఐపీఎల్-2026 వేలం!
ఐపీఎల్-2026 వేలం డిసెంబర్‌ 13-15 తేదీల్లో జరిగే అవకాశం ఉందని తెలుస్తోంది. ఈ మేరకు బీసీసీఐతో ఫ్రాంచైజీలు చర్చిస్తున్నట్లు Cricbuzz వెల్లడించింది. ప్లేయర్ల రిటెన్షన్‌కు నవంబర్ 15 వరకు డెడ్‌లైన్ ఉండొచ్చని సమాచారం. గత రెండు సీజన్లలో విదేశాల్లో వేలం జరగ్గా, ఈ సారి భారత్‌లో నిర్వహించే అవకాశం ఉందని తెలుస్తోంది. వీటన్నింటిపై ఐపీఎల్ గవర్నింగ్ కౌన్సిల్ తుది నిర్ణయం తీసుకోవాల్సి ఉంది.
News October 10, 2025
ఈఫిల్ టవర్‌ను కూల్చనున్నారా?.. నిజమిదే!
ప్రపంచ ప్రఖ్యాతి పొందిన పారిస్‌లోని ఈఫిల్ టవర్‌ను కూల్చేయనున్నట్లు SMలో ఓ వార్త వైరలవుతోంది. 1889లో నిర్మించిన ఈ టవర్ బలహీనపడిందని, నిర్వహణ ఖర్చులు ఎక్కువవడం వల్లే తొలగిస్తున్నట్లు పుకార్లు వ్యాపించాయి. సమ్మె కారణంగా టవర్ సందర్శన నిలిపివేశారు. కాగా కూల్చేందుకే అంటూ కొందరు పోస్టులు చేశారు. చాలామంది దీనిపై పోస్టులు చేయడంతో నిర్వహణ సంస్థ ఈ వార్తలను ఖండించింది. టవర్ కూల్చట్లేదని స్పష్టం చేసింది.
News October 10, 2025
నోబెల్ పీస్ ప్రైజ్: ట్రంప్‌కు మద్దతిచ్చిన రష్యా
కాసేపట్లో నోబెల్ పీస్ ప్రైజ్ ప్రకటన వెలువడనున్న నేపథ్యంలో కీలక పరిణామం చోటుచేసుకుంది. ఈ అవార్డుకు పోటీ పడుతున్న ట్రంప్‌కు మద్దతిస్తున్నట్లు రష్యా ప్రతినిధి యూరీ ప్రకటించారు. ఉక్రెయిన్‌‌తో యుద్ధం ఆపేందుకు ట్రంప్ చేస్తున్న కృషిని ఇటీవల రష్యా స్వాగతించిన విషయం తెలిసిందే. ప్రపంచ దేశాలు మద్దతిస్తున్నప్పటికీ ట్రంప్‌కు అవార్డు రావడం కష్టమేనని విశ్లేషకులు అభిప్రాయపడుతున్నారు.