News August 16, 2025
6నెలలు దేవుని కడప శ్రీవారి దర్శనం బంద్
దేవుని కడప శ్రీలక్ష్మీ వేంకటేశ్వర స్వామి ఆలయంలో ఈనెల 19వ తేదీ నుంచి దర్శనాలు నిలిపివేస్తున్నట్లు TTD వెల్లడించింది. ఆలయ జీర్ణోద్ధరణ పనుల నేపథ్యంలో అంతరాలయ దర్శనాన్ని రద్దు చేశారు. 6నెలల పాటు బాలాలయంలో శ్రీవారి దర్శనానికి ఏర్పాట్లు చేస్తున్నారు. 18, 19న టీటీడీ అర్చకులు హోమాల చేస్తారు. 19వ తేదీ నుంచి బాలాలయంలో శ్రీవారికి నిత్య కైంకర్యాలు జరుగుతాయి.
Similar News
News August 16, 2025
కడప జిల్లా యువకుడికి CGC మెడల్
పాకిస్థాన్‌కు చిక్కుకున్న మన దేశ జాలర్లను 2024 నవంబర్‌లో భారత నేవీ సిబ్బంది సాహసోపేతంగా రక్షించిన విషయం తెలిసిందే. ఆ నేవీ దళంలో కడప జిల్లా కలశపాడు మండలం కొండపేటకు చెందిన పాలకొలను నారాయణరెడ్డి, వీరమ్మ కుమారుడు రమణారెడ్డి ఉన్నారు. ఆయన సేవలను గుర్తించిన రాష్ట్రపతి ద్రౌపతి ముర్ము స్వాతంత్ర్య దినోత్సవం సందర్భంగా CGC(Conspicuous Gallantry Cross) మెడల్ అందించాలని ఆదేశించారు.
News August 16, 2025
ఉచిత ప్రయాణానికి ఒరిజినల్ ఐడీ ఉండాలి: RTC DM
ప్రొద్దుటూరులో స్త్రీ శక్తి పథకం కింద RTC బస్సుల్లో మహిళల ఉచిత ప్రయాణానికి ఒరిజినల్ ఐడీ కార్డు, లేదా డిజిటల్ కాపీ మాత్రమే చెల్లుబాటు అవుతుందని ప్రొద్దుటూరు RTC డిపో మేనేజర్ మల్లికార్జునరెడ్డి తెలిపారు. ఫొటోస్టాట్ పేపర్లు, సెల్ ఫోన్‌లో ఫోటో తీసుకున్న చిత్రాలను అనుమతించరని ఆయన తెలిపారు. ఈ మేరకు మహిళా ప్రయాణికులు RTC కండక్టర్లు, సిబ్బందికి సహకరించాలని విజ్ఞప్తి చేశారు.
News August 15, 2025
కడపలో జెండా ఎగురవేసిన మంత్రి ఫరూక్
స్వాతంత్ర్య దినోత్సవం వేడుకలు కడప నగరంలో నిర్వహించారు. పోలీస్ పెరేడ్ మైదానంలో జరిగిన వేడుకల్లో జిల్లా కలెక్టర్ శ్రీధర్, ఎస్పీ అశోక్ కుమార్‌తో కలిసి మంత్రి ఫరూక్ హాజరై జాతీయ జెండాను ఎగుర వేశారు. అనంతరం పోలీసుల గౌరవ వందనాన్ని స్వీకరించి జిల్లాలో జరుగుతున్న అభివృద్ధి సంక్షేమంపై తన సందేశంలో ప్రజలకు వినిపించారు.