News November 11, 2024

60 ఏళ్ల తర్వాత ఆ గ్రామంలో కాంగ్రెస్ కమిటీ ఎన్నిక

image

ఖమ్మంలోని తెల్దారుపల్లిలో దాదాపు 60ఏళ్లకు సీపీఎం నాయకత్వాన్ని కోల్పోయింది. తొలిసారిగా కాంగ్రెస్ పార్టీ గ్రామ కమిటీని ఏకగ్రీవంగా ఎన్నుకున్నారు. 2019తర్వాత సీపీఎంపై తిరుగుబాటు ఎగురవేసిన తమ్మినేని కృష్ణయ్య ఆయన భార్యను ఎంపీటీసీగా గెలిపించుకున్నారు. ఆ తర్వాత పరిణామాలతో మంత్రి పొంగులేటి శ్రీనివాసరెడ్డి సమక్షంలో కృష్ణయ్య కుమారుడు కాంగ్రెస్‌లో చేరారు. ఈ క్రమంలో పార్టీ గ్రామకమిటీని ఇటీవల ఎన్నుకున్నారు.

Similar News

News November 30, 2025

బీజేపీ ఖమ్మం జిల్లా ఇన్‌ఛార్జ్‌గా మహిపాల్ రెడ్డి

image

బీజేపీ జిల్లాల వారీగా పార్టీ ఇన్‌ఛార్జుల పేర్లను రాష్ట్ర ప్రధాన కార్యదర్శి గౌతమ్ రావు శనివారం ప్రకటించారు. ఇందులో భాగంగా బద్ధం మహిపాల్ రెడ్డి ఖమ్మం జిల్లా ఇన్‌ఛార్జ్‌గా నియమితులయ్యారు. ఖమ్మానికి చెందిన కొండపల్లి శ్రీధర్ రెడ్డిని వరంగల్ జిల్లా ఇన్‌ఛార్జ్‌గా, సన్నె ఉదయ్ ప్రతాప్‌ను నల్గొండ జిల్లా ఇన్‌ఛార్జ్‌గా నియమించినట్లు వెల్లడించారు. ఈ నియామకాలు తక్షణమే అమల్లోకి వస్తాయని పార్టీ వర్గాలు తెలిపాయి.

News November 30, 2025

ఖమ్మం: పెళ్లి పనుల్లో విషాదం.. కరెంట్ షాక్‌తో యువకుడి మృతి

image

సింగరేణి మండలం బొక్కల తండా గ్రామానికి చెందిన అజ్మీర విజయ్(24) శనివారం సాయంత్రం విద్యుత్ షాక్‌తో మృతి చెందాడు. తిరుమలాయపాలెంలో పెళ్లి డెకరేషన్ పనులు చేస్తుండగా ప్రమాదవశాత్తు ఐరన్ పైపుకు 33/11 కేవీ విద్యుత్ తీగలకు తగలడంతో ఈ ఘటన జరిగింది. విజయ్ అకాల మరణంతో అతడి కుటుంబ సభ్యులు తీవ్ర విషాదంలో మునిగిపోయారు. పోలీసులు కేసు నమోదు చేసి దర్యాప్తు చేస్తున్నారు.

News November 30, 2025

ఖమ్మంలో రెండో విడత నామినేషన్ల ప్రక్రియ ప్రారంభం

image

ఖమ్మం జిల్లాలో రెండో విడత గ్రామ పంచాయతీ ఎన్నికల నామినేషన్ల స్వీకరణ నేటి నుంచి ప్రారంభమైంది. ఈ విడతలో ఆరు మండలాల పరిధిలోని 183 గ్రామ పంచాయతీలకు ఎన్నికలు జరుగుతాయి. మొత్తం 1686 వార్డులకు నామినేషన్లు స్వీకరించనున్నారు. కామేపల్లి, ఖమ్మం రూరల్, కుసుమంచి, ముదిగొండ, నేలకొండపల్లి, తిరుమలాయపాలెం మండలాల్లోని అభ్యర్థులు నేటి నుంచి నామినేషన్లు దాఖలు చేయవచ్చు. ఎన్నికల యంత్రాంగం అన్ని ఏర్పాట్లు పూర్తి చేసింది.