News September 11, 2024
వరదలకు ఖమ్మంలో రూ.783 కోట్ల నష్టం: మంత్రి తుమ్మల

TG: ఖమ్మం జిల్లాలో ఇటీవల సంభవించిన వరదలపై మంత్రి తుమ్మల నాగేశ్వరరావు జిల్లా అధికారులతో సమీక్ష నిర్వహించారు. ఈ వరదలకు రూ.783 కోట్ల నష్టం జరిగినట్లు తెలిపారు. 15,196 ఇళ్లు దెబ్బతిన్నాయన్నారు. ఖమ్మంలో ఆరుగురు మృతిచెందారని తెలిపారు. మృతుల కుటుంబాలకు పరిహారం అందజేసినట్లు వెల్లడించారు. ఒక్కో కుటుంబానికి రూ.16,500 వరద సాయం ప్రకటించినట్లు పేర్కొన్నారు.
Similar News
News November 30, 2025
తిరుపతిలోని SVIMSలో ఉద్యోగాలు

తిరుపతిలోని శ్రీ వేంకటేశ్వర ఇన్స్టిట్యూట్ ఆఫ్ మెడికల్ సైన్సెస్ 5 పోస్టులను భర్తీ చేస్తోంది. అర్హతగల వారు DEC 10న ఇంటర్వ్యూకు హాజరుకావొచ్చు. పోస్టును బట్టి MSc/BSc, PG (DMRIT)/ MSc(న్యూక్లియర్ మెడిసిన్ టెక్నాలజీ, మెడికల్ రేడియో ఐసోటోప్ టెక్నాలజీ, కెమిస్ట్రీ), PhDతో పాటు పని అనుభవం ఉండాలి. అభ్యర్థుల గరిష్ఠ వయసు 42ఏళ్లు. ఇంటర్వ్యూ, ఎక్స్పీరియన్స్ ఆధారంగా ఎంపిక చేస్తారు. svimstpt.ap.nic.in
News November 30, 2025
రబీ(యాసంగి) వరి సాగుకు ఎలాంటి రకాలను ఎంపిక చేసుకోవాలి?

రబీలో వరి సాగుకు అధిక దిగుబడినిచ్చే, 120-130 రోజుల కాలపరిమితి కలిగి, తినడానికి మిక్కిలి అనువైన సన్న గింజ రకాలను ఎంపిక చేసుకోవాలి. గింజ రాలిక తక్కువగా ఉండి, అగ్గి తెగులును తట్టుకొని, చేనుపై పడిపోని రకాలను మార్కెట్ మరియు నీటి లభ్యత ఆధారంగా ఎన్నుకోవాలి. NLR 34449, NLR 3354, MTU 1282, NLR 3648, MTU 1426 రకాలు మిక్కిలి సన్నగింజ నాణ్యత కలిగి రబీ సాగుకు అనుకూలం అంటున్నారు వ్యవసాయ నిపుణులు.
News November 30, 2025
పామును చంపిన తర్వాత తలను ఎందుకు నలగగొడతారు?

పామును చంపాక దాని తలను నలగగొడుతుంటారు. ఎందుకని అడిగితే.. పాము కళ్లు హంతకుడిని గుర్తుంచుకుని, మరో జన్మలో పగ తీర్చుకుంటాయని చెబుతారు. కానీ, ఇది నిజం కాదు. దీని వెనుక ఓ శాస్త్రం ఉంది. పాము చనిపోయిన తర్వాత కూడా దాని తల కదలగలదు. దాడి చేయగలదు. అది కాటేస్తే మన ప్రాణాలు కూడా పోవచ్చు. అలాంటి ప్రమాదాలు జరగకుండా నివారించడానికి, దాని తలను పూర్తిగా నలగగొట్టాలని మన పెద్దలు సూచించారు.


