News August 30, 2025
8న గుర్తింపు లేని రాజకీయ పార్టీలతో సమావేశం: కలెక్టర్

తూ. గో జిల్లాకు చెందిన గుర్తింపు లేని రాజకీయ పార్టీల సంప్రదింపు వివరాలపై విచారణను రాష్ట్ర ఎన్నికల కమిషనర్ సమక్షంలో సెప్టెంబర్ 8 న అమరావతిలో నిర్వహించనున్నట్లు జిల్లా ఎన్నికల అధికారి, కలెక్టర్ పి ప్రశాంతి శనివారం ప్రకటించారు. ఉ.10:50 గంటలకు భరత్ ప్రజా స్పందన పార్టీ, 11:00 గంటలకు భారతీయ చైతన్య పార్టీ, 11:30 గంటలకు జై ఆంధ్రా పార్టీ ప్రతినిధులు వివరాలతో వెలగపూడి సచివాలయం కార్యాలయానికి రావాలన్నారు.
Similar News
News August 30, 2025
రాజమండ్రి వచ్చిన నారా రోహిత్

సుందరకాండ మూవీ విజయ యాత్రలో భాగంగా శనివారం రాజమండ్రిలోని సూర్య ప్యాలెస్ థియేటర్కు హీరో నారా రోహిత్ విచ్చేశారు. ఈ సందర్భంగా ఆయనను రాజమండ్రి సిటీ ఎమ్మెల్యే ఆదిరెడ్డి శ్రీనివాస్ కలిశారు. అనంతరం సినిమా విజయోత్సవ మీట్లో నారా రోహిత్తో కలిసి పాల్గొన్నారు. సుందరకాండ సినిమా విజయం పట్ల ఆనందం వ్యక్తం చేశారు.
News August 30, 2025
రాజమండ్రి: ఫీజు రీయింబర్స్మెంట్ వెరిఫికేషన్ ప్రక్రియ ప్రారంభం

గిరిజన విద్యార్థుల ఫీజు రీయింబర్స్మెంట్ వెరిఫికేషన్ ప్రక్రియ ప్రారంభమైనట్లు తూర్పు గోదావరి జిల్లా గిరిజన సంక్షేమ సాధికారిత అధికారిణి ఎం. నాగ శిరీష శనివారం తెలిపారు. కాలేజీల్లో విద్యార్థుల అప్లికేషన్ రిజిస్ట్రేషన్, ప్రిన్సిపల్ ఆన్లైన్ అప్రూవల్ పూర్తయిన తర్వాతే విద్యార్థులు తమ గ్రామ, వార్డు సచివాలయాల్లో ఫీజు రీయింబర్స్మెంట్ కోసం ఐదు దశల వెరిఫికేషన్ చేయించుకోవాలని ఆమె సూచించారు.
News August 29, 2025
తాళ్లపూడి: ఉరేసుకుని యువకుడి మృతి

తాళ్లపూడి మండలం తిరుగుడుమెట్టకి చెందిన సాయి (26) గ్రామ శివారులో వేపచెట్టుకు శుక్రవారం ఉరి వేసుకొని ఆత్మహత్య చేసుకున్నాడు. మృతునికి 6సం.లు క్రితం వివాహం కాగా ఇద్దరు పిల్లలు ఉన్నారు. ఎడాది క్రితం భార్యమృతి చెందడంతో మానసికంగా కృంగి ఉరేసుకుని ఆత్మహత్య చేసుకున్నాడని మృతుడి తల్లి పోలీసులకు ఫిర్యాదు చేసింది. కేసు నమోదు చేసి దర్యాప్తు చేస్తున్నట్టు తాళ్లపూడి ఎస్ఐ రామకృష్ణ తెలిపారు.