News July 19, 2024

డీఎస్సీకి తొలిరోజు 83% మంది హాజరు

image

TG: డీఎస్సీ వాయిదా వేయాలన్న ఆందోళనల నడుమ ప్రభుత్వం పరీక్షలను ప్రశాంతంగా నిర్వహిస్తోంది. నిన్న తొలిరోజు 83% మంది అభ్యర్థులు హాజరయ్యారు. మొత్తం 24వేల మందికిగానూ 20వేల మంది పరీక్ష రాసినట్లు విద్యాశాఖ వర్గాలు చెప్పాయి. హాల్‌టికెట్లలో చిన్నచిన్న తప్పులున్నా అభ్యర్థులను అనుమతించాలని అధికారులు ఆదేశించారు. ఇవాళ రెండోరోజు సెకండరీ గ్రేడ్ టీచర్(SGT) తెలుగు మీడియం పరీక్షలు జరగనున్నాయి.

Similar News

News November 29, 2025

రేణిగుంట: అవినీతి ఆరోపణలతో సస్పెండ్.. మళ్లీ పదవి.!

image

తీవ్ర అవినీతి ఆరోపణలు ఎదుర్కొంటున్నా రేణిగుంట మాజీ సబ్ రిజిస్ట్రార్ ఆనంద్‌రెడ్డిపై 20న హై కోర్టు సస్పెషన్‌ను ఎత్తేసింది. దీంతో ఆయన తిరిగి రేణిగుంటలో పోస్టింగ్ పొందాడు. సాధారణంగా రిజిస్ట్రేషన్ల శాఖ దీనిపై అప్పీల్‌కు వెళ్లాలి. అందుకు విరుద్ధంగా ఆయన్నే రేణిగుంట సబ్ రిజిస్ట్రార్ నియమించాలంటూ IGనే స్పెషల్ CSకు 24న ఫైలు పంపారు. ఇలాంటి వ్యక్తిని మళ్లీ ఎలా నియమిస్తారంటూ పలువురు మండిపడుతున్నారుు.

News November 29, 2025

బాలయ్య రోల్‌లో విజయ్ సేతుపతి!

image

రజినీకాంత్ ‘జైలర్-2’ సినిమాలో గెస్ట్ రోల్ కోసం మొదట బాలకృష్ణను తీసుకోవాలని అనుకున్నట్లు వార్తలు వచ్చిన విషయం తెలిసిందే. అయితే తాజాగా బిజీ షెడ్యూల్ కారణంగా బాలయ్య ప్రాజెక్ట్‌ నుంచి తప్పుకున్నట్లు తెలుస్తోంది. ఆయన ప్లేస్‌లో తమిళ స్టార్ నటుడు విజయ్ సేతుపతి చేస్తున్నారని, ఇప్పటికే షూటింగ్‌లో కూడా పాల్గొన్నారని సమాచారం. నెల్సన్ దిలీప్‌కుమార్ తెరకెక్కిస్తున్న ఈ మూవీ 2026 సమ్మర్‌లో విడుదల కానుంది.

News November 29, 2025

PHOTO: సిద్ద-శివ బ్రేక్‌ఫాస్ట్ మీట్

image

కర్ణాటకలో సీఎం మార్పు ప్రచారం వేళ సిద్దరామయ్య, డీకే శివకుమార్ కలిసి బ్రేక్‌ఫాస్ట్ చేశారు. సిద్ద ఆహ్వానం మేరకు శివకుమార్ ఆయన నివాసానికి వెళ్లారు. సీఎం, డిప్యూటీ సీఎం ఏం మాట్లాడుకున్నారనేది తెలియాల్సి ఉంది. సీఎం కుర్చీపై వారిద్దరే తేల్చుకోవాలంటూ కాంగ్రెస్ అధిష్ఠానం స్పష్టం చేసింది. దీంతో ఈ భేటీ ప్రాధాన్యం సంతరించుకుంది. కుర్చీ వదులుకోవడానికి సిద్ద అంగీకరిస్తారా? లేదా అన్నది ఉత్కంఠగా మారింది.