News March 11, 2025
త్వరలో 900 అంగన్వాడీలు ప్రారంభం: మంత్రి సంధ్యారాణి
AP: రాష్ట్ర వ్యాప్తంగా రానున్న రెండుమూడు నెలల్లో 900 అంగన్వాడీ కేంద్రాలు ప్రారంభించనున్నట్లు మహిళా, శిశు, గిరిజన సంక్షేమ శాఖ మంత్రి గుమ్మిడి సంధ్యారాణి తెలిపారు. అంగన్వాడీల్లో తాగునీరు, టాయిలెట్స్ కోసం రూ.7 కోట్లు కేటాయించినట్లు చెప్పారు. అలాగే గిరిజనుల కోసం 18 రకాల సంక్షేమ పథకాలు అమలు చేస్తామని బడ్జెట్ ఆమోదం కోసం జరిగిన చర్చలో వివరించారు. మరోవైపు మహిళల సాధికారత TDPతోనే ప్రారంభమైందని వివరించారు.
Similar News
News November 29, 2025
ప్రేమ నుంచి ఉగ్రవాదం వరకూ షహీన్ ప్రయాణం
ఢిల్లీ పేలుడులో కీలక నిందితురాలిగా ఉన్న 46 ఏళ్ల షహీన్ ప్రేమ కథ బయటకు వచ్చింది. ఈమె మొదట రెండు వివాహాలు చేసుకున్నా.. అవి విఫలమయ్యాయి. అనంతరం అల్ ఫలాహ్ యూనివర్సిటీలో తనకు జూనియర్‌ అయిన డాక్టర్ ముజమ్మిల్ షకీల్ పరిచయం అయ్యాడు. 2023 సెప్టెంబర్‌లో ఇద్దరూ పెళ్లి చేసుకున్నారు. ఈ సంబంధం ద్వారానే ఆమె JeM మహిళా విభాగంలో చేరినట్లు తేలింది. షహీన్, ముజమ్మిల్ సహా ముగ్గురు ఢిల్లీ పేలుడు కేసులో అరెస్టయ్యారు.
News November 29, 2025
పిల్లలు మాట వినడం లేదా?
తరాలు మారే కొద్ది జనరేషన్ గ్యాప్ పెరుగుతూ వస్తుంది. దీంతో పిల్లలకు తల్లిదండ్రులకు రోజూ ఏదో ఓ గొడవ. ఇలా కాకుండా ఉండాలంటే.. మీ పిల్లలు ఏ చిన్న మంచి పని చేసినా మెచ్చుకోండి. వారు ఏదైనా తప్పు చేస్తే.. తిట్టకుండా ప్రేమతో అది తప్పని వివరించి చెప్పండి. ఇలా చేస్తే పిల్లలకు మీపై ప్రేమ, గౌరవం పెరుగుతుంది. మళ్ళీ తిరిగి తప్పు చేయరు. పిల్లలను మీరు ఎంత ప్రేమగా చూసుకుంటే, వారు మీ మాటకు అంత గౌరవం ఇస్తారు.
News November 29, 2025
మేడారం జాతరకు జాతీయ హోదా ఇవ్వలేం: కిషన్ రెడ్డి
TG: మేడారం జాతరకు జాతీయ హోదా సాధ్యం కాదని కేంద్ర మంత్రి కిషన్ రెడ్డి స్పష్టం చేశారు. దేశంలో ఏ ఉత్సవానికీ జాతీయ హోదా లేదని తెలిపారు. వరంగల్ పర్యటన సందర్భంగా ఆయన మీడియాతో మాట్లాడారు. ఎప్పటిలాగే కేంద్ర ప్రభుత్వం నుంచి సమ్మక్క-సారక్క జాతరకు నిధులు మంజూరు చేస్తామని, జాతరలో పాల్గొంటామని తెలిపారు. మేడారం జాతరను జాతీయ పండుగగా గుర్తించాలని సీఎం రేవంత్ గతంలో కేంద్రాన్ని కోరిన సంగతి తెలిసిందే.