News December 6, 2024
చట్టాన్ని చేతుల్లోకి తీసుకుంటే ఊరుకోం: పొన్నం
TG: అంబేడ్కర్ విగ్రహాల వద్ద రాజకీయాలు సరికాదని మంత్రి పొన్నం ప్రభాకర్ అన్నారు. BRS నేతలు హైదరాబాద్ బ్రాండ్ ఇమేజ్‌ను దెబ్బతీస్తున్నారని మండిపడ్డారు. సలహాలు, సూచనలు ఇస్తే స్వీకరిస్తామన్నారు. చట్టాన్ని చేతుల్లోకి తీసుకుంటే ఊరుకోం అని హెచ్చరించారు. ట్యాంక్‌బండ్ అంబేడ్కర్ విగ్రహం వద్ద ధర్నాకు BRS పిలుపు నేపథ్యంలో హరీశ్ రావు, వివేకానంద, మాధవరం తదితర ఆ పార్టీ నేతలను పోలీసులు హౌస్ అరెస్ట్ చేశారు.
Similar News
News September 15, 2025
ప్రైవేటుకు కట్టబెట్టాలనుకోవడం దారుణం: జగన్
AP: 1923 – 2019 వ‌ర‌కు రాష్ట్రంలో 12 మెడికల్ కాలేజీలుంటే, తమ హ‌యాంలో 17 కాలేజీల‌ను సంక‌ల్పించామని YCP చీఫ్ జగన్ అన్నారు. ‘2023 SEP 15న VZM, రాజ‌మండ్రి, ఏలూరు, మ‌చిలీప‌ట్నం, నంద్యాల మెడికల్ కాలేజీల‌ను ప్రారంభించాం. పాడేరు, పులివెందుల కళాశాలలను అడ్మిష‌న్లకు సిద్ధం చేశాం. మిగతా కాలేజీల పనులు చేయకుండా వాటిని ప్రైవేటుకు కట్టబెట్టాలనుకోవడం దారుణం. ఈ ప్రయత్నాన్ని ఉపసంహరించుకోవాలి’ అని ట్వీట్ చేశారు.
News September 15, 2025
వేధింపులతో ఉద్యోగి సూసైడ్.. రూ.90 కోట్ల పరిహారం
జపాన్‌లో వేధింపుల వల్ల ఆత్మహత్య చేసుకున్న ఓ ఉద్యోగినికి కోర్టు రూ.90 కోట్ల పరిహారం ప్రకటించింది. 2023లో సతోమి(25)కి వర్క్ ప్లేస్‌లో వేధింపులు ఎదురయ్యాయి. 2021లో ఆ కంపెనీ ప్రెసిడెంట్ బాధిత యువతిని ‘వీధి కుక్క’ అని తిట్టారు. దీంతో డిప్రెషన్‌లోకి వెళ్లిన ఆమె సూసైడ్ అటెంప్ట్ చేశారు. 2023లో మరణించారు. ఆమె మరణంపై యువతి తల్లిదండ్రులు కోర్టును ఆశ్రయించగా రూ.90 కోట్లు చెల్లించాలని కంపెనీని ఆదేశించింది.
News September 15, 2025
రాష్ట్ర అవసరాలకు సరిపడా యూరియా కేటాయించండి: తుమ్మల
TG: రాష్ట్ర అవసరాలకు సరిపడా యూరియా కేటాయించాలని కేంద్ర ఎరువుల శాఖ కార్యదర్శి రజత్ కుమార్ మిశ్రాను మంత్రి తుమ్మల నాగేశ్వరరావు కోరారు. ఢిల్లీ వెళ్లిన మంత్రి యూరియా కేటాయింపులు వీలైనంత త్వరగా చేయాలని విన్నవించారు. దేశీయ యూరియా ఉత్పత్తి ఆశించిన స్థాయిలో లేదని ఆయన మంత్రికి వివరించారు. విదేశాల నుంచి దిగుమతయ్యే యూరియాలో రాష్ట్రానికి అధిక ప్రాధాన్యం ఇస్తామని రజత్ కుమార్ తెలిపారు.