News December 6, 2024
ఎయిర్లైన్స్ నెల ముందే టిక్కెట్ ధరలు చెప్పాలి: కేంద్రం
విమానయాన సంస్థలు టికెట్ ధరలను మార్చడానికి నెలరోజుల ముందుగానే తమకు సమాచారం ఇవ్వాలని కేంద్రప్రభుత్వం స్పష్టం చేసింది. రాజ్యసభలో మంత్రి రామ్మోహన్ నాయుడు ఈ విషయాన్ని వెల్లడించారు. ‘ధరల నియంత్రణకు కొత్త చర్యలు తీసుకుంటున్నాం. ఎయిర్లైన్స్ తమ టికెట్ ధరలు 24 గంటల్లోనే మార్చుకునేందుకు వీలు కల్పించే 2010 నిబంధనను తొలగిస్తున్నాం. ఎయిర్లైన్స్ ఇష్టారాజ్యంగా ధరలు మార్చడానికి వీల్లేదు’ అని పేర్కొన్నారు.
Similar News
News March 14, 2026
మామిడి పిందెల దశలో తీసుకోవాల్సిన జాగ్రత్తలు
మామిడి పిందెలు బఠాణి నుంచి నిమ్మకాయ సైజు మధ్య ఉన్నప్పుడు 25 నుంచి 30 రోజులకు ఒకసారి తేలికపాటి నీటి తడులు ఇస్తే పిందె రాలడం తగ్గుతుంది. అలాగే లీటరు నీటిలో 10 గ్రాముల యూరియా లేదా పొటాషియం నైట్రేట్ 10 గ్రాములను కలిపి పిందెలు నిమ్మకాయ సైజులో ఉన్నప్పుడు ఒకసారి, మరలా 20 రోజుల తర్వాత 2వసారి పిచికారీ చేస్తే పిందె రాలడం తగ్గి, వాటి ఎదుగుదల బాగుంటుందని వ్యవసాయ నిపుణులు చెబుతున్నారు.
News March 14, 2026
పంచాయతీలకు మరో ₹640కోట్లు విడుదల
TG: గ్రామ పంచాయతీలకు కేంద్రం 15వ ఆర్థిక సంఘం నుంచి మరో ₹640Cr విడుదల చేసింది. వీటితో 2024-2025 ఆర్థిక సంవత్సరానికి సంబంధించి మొత్తం బకాయిలు వచ్చేశాయి. యుటిలిటీ సర్టిఫికెట్లు, ఇతర రిపోర్టులను ఎప్పటికప్పుడు రాష్ట్ర ప్రభుత్వం సమర్పిస్తుండటం వల్లే నిధులు త్వరగా రిలీజ్ అయ్యాయని మంత్రి సీతక్క తెలిపారు. FY 2025-26కి సంబంధించి ₹1255Cr రావాల్సి ఉందని, వాటిని కూడా త్వరగా విడుదల చేయాలని కేంద్రాన్ని కోరారు.
News March 14, 2026
6 నెలల్లో స్థానిక ఎన్నికలు: CM
AP: రాష్ట్రంలో స్థానిక సంస్థల ఎన్నికలపై సీఎం చంద్రబాబు అప్డేట్ ఇచ్చారు. ఎన్నికలు ఆరు నెలల్లో జరిగే అవకాశం ఉందని, వాటికి ఇప్పటి నుంచే సిద్ధం కావాలని మంత్రులకు సూచించారు. నిన్న క్యాబినెట్ భేటీలో అజెండా అంశాలపై చర్చ అనంతరం తాజా రాజకీయ పరిస్థితులపై చర్చించారు. ఇప్పటివరకు జరిగిన అన్ని ఎన్నికల్లో మనమే గెలిచామని, ఈసారీ కూటమి అభ్యర్థులు ఘన విజయం సాధించేలా ఇన్ఛార్జ్ మంత్రులు బాధ్యత తీసుకోవాలన్నారు.