News December 7, 2024
BGTలో షమీ ఆడటం కష్టమే!
BGTలో భారత పేసర్ షమీ ఆడే అవకాశాలు కనిపించడం లేదు. అతనికి NCA నుంచి క్లియరెన్స్ రాకపోవడమే ఇందుకు కారణం. అతను టెస్టుల్లో బౌలింగ్ చేసేంత ఫిట్గా ఉన్నారా లేదా అనే దానిపై NCA టీమ్ ఇంకా క్లారిటీకి రానట్లు తెలుస్తోంది. అతడిని AUSకు పంపకపోవచ్చని, పంపినా చివరి టెస్టులో మాత్రమే ఆడతారని BCCI వర్గాలు చెబుతున్నాయి. ప్రస్తుతం SMAT T20లో బెంగాల్ తరఫున ఆడుతున్నారు. ఎల్లుండి చండీగఢ్తో బెంగాల్ ప్రీ QF ఆడనుంది.
Similar News
News January 29, 2026
ఇవాళ KCRకు సిట్ నోటీసులు?
TG: ఫోన్ ట్యాపింగ్ కేసులో మాజీ సీఎం, బీఆర్ఎస్ అధినేత కేసీఆర్కు ఇవాళ సిట్ నోటీసులు ఇవ్వనున్నట్లు సమాచారం. ఎర్రవల్లి ఫామ్హౌస్లోనే ఆయనకు నోటీసులు ఇచ్చి, రేపు అక్కడే సిట్ బృందం విచారించనున్నట్లు తెలుస్తోంది. ఇప్పటికే ఈ కేసులో హరీశ్ రావు, కేటీఆర్, సంతోష్ రావులను సిట్ ప్రశ్నించిన విషయం తెలిసిందే. ఈసారి ఏకంగా కేసీఆర్ను విచారణకు పిలుస్తారనే వార్తలు రాజకీయ వర్గాల్లో చర్చనీయాంశమయ్యాయి.
News January 29, 2026
లవ్లీ హోం హ్యాక్స్
* కాఫీపొడి, పుదీనా ఆకులు, బేకింగ్ సోడా, నిమ్మతొక్కలు ఒక గిన్నెలో వేసి ఒక మూలన ఉంచితే గది అంతా పరిమళం వ్యాపిస్తుంది.
* కిచెన్లో గట్టు, టైల్స్, కిటికీ అద్దాలు జిడ్డుగా ఉంటే పావు కప్పు వెనిగర్, చెంచా బేకింగ్ సోడా, రెండు కప్పుల నీరు కలిపి లిక్విడ్ తయారు చేసుకోవాలి. ఈ మిశ్రమాన్ని బాటిల్లో వేసి జిడ్డు ఉన్నచోట చల్లి శుభ్రం చేస్తే సరిపోతుంది.
* ఉప్పు, నిమ్మరసం కలిపి పింగాణీ పాత్రలను తోమితే మెరుస్తాయి.
News January 29, 2026
ఇంట్లో ఒప్పుకోకపోతే పారిపోదామనుకున్నాం: కీర్తి సురేశ్
ఇంట్లో అంగీకరించకపోతే పారిపోయి పెళ్లి చేసుకుందామని అనుకున్నట్టు హీరోయిన్ కీర్తి సురేశ్ తెలిపారు. తాను, ఆంటోని 15ఏళ్లుగా ప్రేమలో ఉన్నామని, గ్రాండ్గా పెళ్లి జరుగుతుందని ఊహించలేదన్నారు. కచ్చితంగా పారిపోయి పెళ్లి చేసుకుంటామనే అనుకున్నామని చెప్పారు. తాళి కట్టే సమయంలో ఇద్దరూ అందుకే ఎమోషనల్ అయినట్టు తెలిపారు. ఆంటోనీ కళ్లలో నీళ్లు మొదటిసారి చూశానని ఒక ఇంటర్వ్యూలో చెప్పారు. 2024లో వీరి పెళ్లి జరిగింది.