News December 9, 2024
రష్యాకు రాజ్‌నాథ్ సింగ్: పుతిన్‌తో సమావేశం
రక్షణ మంత్రి రాజ్‌నాథ్ సింగ్ రష్యాకు చేరుకున్నారు. మాస్కోలో ఆయనకు మంత్రి అలెగ్జాండర్ ఫోమిన్, భారత దౌత్యవేత్త వెంకటేశ్ కుమార్ స్వాగతం పలికారు. సైనిక సాంకేతిక సహకారంపై ఆయన రష్యా డిఫెన్స్ మినిస్టర్ ఆండ్రీ బెలూవోస్‌తో చర్చిస్తారు. ప్రెసిడెంట్ పుతిన్‌తోనూ ప్రత్యేకంగా సమావేశమవుతారు. రెండో ప్రపంచ యుద్ధంలో అమరులైనవారికి నివాళి అర్పిస్తారు. INS తుషిల్‌ను ఆరంభిస్తారు. ప్రవాస భారతీయులను కలుస్తారు.
Similar News
News September 19, 2025
కరేడులో భూములు లాక్కోవడం లేదు: అనగాని
AP: నెల్లూరు(D) ఉలవపాడు(M) కరేడులో ఇండోసోల్ కంపెనీ కోసం రైతుల నుంచి భూములు లాక్కోవడం లేదని మంత్రి అనగాని సత్యప్రసాద్ తెలిపారు. నష్టపరిహారం ఎకరాకు రూ.20 లక్షలుగా నిర్ణయించడంతో రైతులే సమ్మతించి భూములు ఇవ్వడానికి ముందుకు వస్తున్నారన్నారు. ఇప్పటికే 500 ఎకరాలు ఇచ్చేందుకు రైతులు ఒప్పుకోగా, 300 ఎకరాలకు నష్టపరిహారం కూడా చెల్లించామన్నారు. మండలిలో YCP MLC మాధవరావు అడిగిన ప్రశ్నకు పైవిధంగా సమాధానమిచ్చారు.
News September 19, 2025
మ‌న జీవితం బాధ్యత మ‌న‌దే: సాయి దుర్గ తేజ్
TG: హెల్మెట్ ధరించడం వల్లే తాను ప్రాణాలతో బయటపడినట్లు హీరో సాయి దుర్గ తేజ్ పేర్కొన్నారు. HYD పోలీసులు నిర్వహించిన ‘ట్రాఫిక్ స‌మ్మిట్ 2025’కు ముఖ్య అతిథిగా హాజ‌ర‌య్యారు. ‘హెల్మెట్ ధ‌రించ‌ని వాళ్ల‌కి, తాగి బండి న‌డిపేవాళ్ల‌కి చిన్న ప‌నిష్మెంట్ ఇస్తే వారికి జీవితాల‌పై మ‌రింత బాధ్యత పెరుగుతుంది. ఇది నా రిక్వెస్ట్ మాత్ర‌మే’ అని తెలిపారు. ఆయన పోలీస్ శాఖ‌కు రూ.5 ల‌క్ష‌లు విరాళాన్ని ఇచ్చారు.
News September 19, 2025
సెప్టెంబర్ 19: చరిత్రలో ఈరోజు
✒ 1887: రచయిత, నాస్తికుడు తాపీ ధర్మారావు జననం
✒ 1911: కేంద్ర సాహిత్య అకాడమీ అవార్డు గ్రహీత బోయి భీమన్న జననం
✒ 1924: నిజాం వ్యతిరేక పోరాటయోధుడు కాటం లక్ష్మీనారాయణ జననం
✒ 1960: భారత్-పాక్ మధ్య సింధు జలాల ఒప్పందం(ఫొటోలో)
✒ 1977: క్రికెటర్ ఆకాశ్ చోప్రా జననం
✒ 1965: నాసా వ్యోమగామి సునీతా విలియమ్స్ జననం