News December 12, 2024
2024: గూగుల్‌లో అత్యధికంగా సెర్చ్ చేసిన సినిమాలివే..
ఈ ఏడాది అత్యధికంగా సెర్చ్ చేసిన భారతీయ సినిమాల లిస్ట్‌ను గూగుల్ ట్రెండ్స్ రిలీజ్ చేసింది. ఇందులో శ్రద్ధాకపూర్ నటించిన ‘స్త్రీ2’ తొలి స్థానంలో నిలిచింది. హారర్ కామెడీగా తెరకెక్కిన ఈ సినిమా రూ.700 కోట్లకు పైగా వసూలు చేసింది. ఆ తర్వాతి స్థానాల్లో కల్కి 2898AD, 12TH FAIL, లాపతా లేడీస్, హనుమాన్, మహారాజ, మంజుమ్మల్ బాయ్స్, గోట్, సలార్, ఆవేశం టాప్-10లో నిలిచాయి.
Similar News
News December 12, 2024
ఫ్యామిలీలో గొడవ.. మంచు లక్ష్మీ మరో పోస్ట్
ఓ వైపు మంచు ఫ్యామిలీలో గొడవలు జరుగుతుండగానే మోహన్ బాబు కుమార్తె మంచు లక్ష్మీ ప్రసన్న మరో పోస్ట్ చేశారు. ‘ఈ లోకంలో ఏదీ నీది కానప్పుడు, ఏదో కోల్పోతున్నావనే భయం నీకెందుకు’ అంటూ ఆమె ఎక్స్‌లో పోస్ట్ చేశారు. ఈ పోస్ట్ సోషల్ మీడియాలో వైరల్‌గా మారింది. ఇది ఎవరిని ఉద్దేశించి పెట్టారనే దానిపై నెటిజన్లు చర్చించుకుంటున్నారు. కాగా మోహన్ బాబు, విష్ణు, మనోజ్ మధ్య రెండు రోజులుగా వివాదం జరుగుతున్న విషయం తెలిసిందే.
News December 12, 2024
ప్రమాణ స్వీకారానికి రండి: జిన్‌పింగ్‌కు ట్రంప్ ఆహ్వానం!
అమెరికా ప్రెసిడెంట్‌గా రెండోసారి ఎన్నికైన డొనాల్డ్ ట్రంప్ తన నిర్ణయాలతో ఆశ్చర్యపరుస్తున్నారు. చైనా పేరెత్తితేనే భగ్గుమనే ఆయన JAN 20న తన ప్రమాణ స్వీకారానికి రావాల్సిందిగా ఆ దేశ ప్రెసిడెంట్ షి జిన్‌పింగ్‌ను ఆహ్వానించారని తెలిసింది. NOVలో ఎన్నికలు ముగిసిన వెంటనే ఆహ్వానం పంపారని సమాచారం. రావడానికి జిన్‌పింగ్ అంగీకరించారో లేదో స్పష్టత రాలేదు. వాషింగ్టన్‌లోని చైనా రాయబార కార్యాలయమూ వివరణ ఇవ్వడం లేదు.
News December 12, 2024
త్వరలో RTC బస్సుల్లో ఆన్‌లైన్ చెల్లింపులు
TG: రాష్ట్రంలో ప్రయాణికులు, కండక్టర్లకు మధ్య త్వరలోనే ‘చిల్లర’ సమస్యలు తీరనున్నాయి. బస్సుల్లో ఆన్‌లైన్ పేమెంట్ల కోసం RTC ఏర్పాట్లు సిద్ధం చేయగా, తొలుత HYDలో పరిశీలించనుంది. ఆపై రాష్ట్రమంతటా వినియోగంలోకి తీసుకురానున్నారు. ఇప్పటికే సంస్థ చేతికి 6 వేల ఆటోమేటిక్ ఫేర్ కలెక్షన్ మెషీన్లు అందాయి. ప్రస్తుతం దూరప్రాంత రూట్లలోనే ఉండగా, త్వరలో ఇవి పల్లెవెలుగు వంటి గ్రామీణ ప్రాంత బస్సుల్లోనూ ఉపయోగించనున్నారు.