News December 12, 2024
‘గేమ్ ఛేంజర్’ ఈవెంట్‌కు గెస్ట్‌గా సుకుమార్
గ్లోబల్ స్టార్ రామ్ చరణ్ హీరోగా నటించిన ‘గేమ్ ఛేంజర్’ సినిమా ప్రీ రిలీజ్ ఈవెంట్ ఈనెల 21న USAలో జరగనుంది. ఈ ఈవెంట్‌కు డైరెక్టర్ సుకుమార్ చీఫ్ గెస్ట్‌గా రాబోతున్నట్లు మూవీ టీమ్ తాజాగా ప్రకటించింది. శంకర్ దర్శకత్వం వహించిన ఈ మూవీ 2025, జనవరి 10న తెలుగు, తమిళ, హిందీ భాషల్లో రిలీజ్ కాబోతున్న సంగతి తెలిసిందే.
Similar News
News December 13, 2024
పలువురికి పదవులు కేటాయించిన YCP
AP: మాజీ మంత్రి అనిల్ కుమార్ యాదవ్‌ను పొలిటికల్ అడ్వైజరీ కమిటీ(PAC) మెంబర్‌గా YCP నియమించింది. ఆ పార్టీ అధ్యక్షుడు, మాజీ CM జగన్ ఆదేశాల మేరకు నియామకం జరిగింది. అటు, వినుకొండ నియోజకవర్గానికి చెందిన పఠాన్ సలేహా ఖాన్‌ను పల్నాడు జిల్లా మైనార్టీ విభాగ అధ్యక్షుడిగా నియమించింది. అలాగే, మైలవరం నియోజకవర్గానికి చెందిన పామర్తి శ్రీనివాసరావును NTR జిల్లా ఉపాధ్యక్షుడిగా నియమిస్తూ YCP ఉత్తర్వులు జారీ చేసింది.
News December 13, 2024
నలుగురు కలెక్టర్లకు హైకోర్టు నోటీసులు
TG: రైతుల ఆత్మహత్యలపై దాఖలైన ప్రజాప్రయోజన వ్యాజ్యంపై హైకోర్టులో విచారణ జరిగింది. 4 నెలలకే పరిహారం ఇస్తామన్న ప్రభుత్వం ఏడాది దాటినా పట్టించుకోలేదని కొండల్ రెడ్డి అనే వ్యక్తి ధిక్కరణ పిటిషన్ దాఖలు చేశారు. ఈ పిటిషన్‌ను కోర్టు ధిక్కరణ కింద ఎందుకు తీసుకోకూడదో చెప్పాలని హైకోర్టు ప్రశ్నించింది. ఈ మేరకు యాదాద్రి భువనగిరి, జయశంకర్ భూపాలపల్లి, జనగామ, ఆదిలాబాద్ జిల్లాల కలెక్టర్లకు నోటీసులు జారీ చేసింది.
News December 13, 2024
ప్రియుడితో పెళ్లి.. కీర్తి సురేశ్ ఎమోషనల్
తన చిన్ననాటి స్నేహితుడు, ప్రియుడు అంథోనీని హీరోయిన్ కీర్తి సురేశ్ పెళ్లి చేసుకున్న సంగతి తెలిసిందే. అంథోనీ తాళి కట్టిన తర్వాత ఆమె ఎమోషనల్ అయ్యారు. ఈ ఫొటోను హీరో నాని పంచుకున్నారు. ఈ మ్యాజికల్ క్షణాలను తాను ప్రత్యక్షంగా చూసినట్లు ట్వీట్ చేశారు. కీర్తి, నాని కలిసి దసరా, నేను లోకల్ చిత్రాల్లో నటించారు.