News December 15, 2024

బీఆర్ఎస్ చేసిన అప్పులకు మేము వడ్డీ కడుతున్నాం: భట్టి

TG: రాష్ట్ర ఆర్థిక పరిస్థితులపై BRS తప్పుడు ప్రచారం చేస్తోందని డిప్యూటీ సీఎం భట్టి విక్రమార్క మండిపడ్డారు. బీఆర్ఎస్ అప్పులు చేసి వదిలేస్తే, తమ ప్రభుత్వం వడ్డీలు కడుతోందని చెప్పారు. అప్పులపై కాంగ్రెస్ దగ్గర పక్కా లెక్కలు ఉన్నాయని, రేపు అసెంబ్లీలో అన్ని బయటపెడుతామన్నారు. తమ ప్రభుత్వం ఇప్పటివరకు రూ.54 వేల కోట్లు అప్పులు చేసిందని పేర్కొన్నారు. సంక్రాంతి తర్వాత రైతు భరోసా ఇస్తామని సీఎం చెప్పారన్నారు.