News December 18, 2024

పెన్షన్ల రద్దుపై ప్రభుత్వం కీలక ఆదేశాలు

AP: అర్హత లేని వారికి పెన్షన్లు రద్దు చేయాలని ప్రభుత్వం నిర్ణయించింది. అనర్హులుగా గుర్తించిన వారికి తొలుత నోటీసులిచ్చి వివరణ తీసుకోవాలని అధికారులను ఆదేశించింది. లబ్ధిదారుల వివరణ ఆమోదయోగ్యంగా ఉంటే పింఛను కొనసాగించాలని, అర్హతలు నిరూపించుకోలేకపోతే రద్దు చేయాలని సూచించింది. నోటీసులకు స్పందించని వారి పింఛన్లను హోల్డ్‌లో పెట్టాలని స్పష్టం చేసింది. రాష్ట్రంలో 3.5 లక్షల మంది అనర్హులున్నట్లు అంచనా.