News December 23, 2024
మోదీకి అంతర్జాతీయ పురస్కారాలు@20
ప్రధాని నరేంద్ర మోదీకి కువైట్ రాజు తమ దేశ అత్యున్నత పౌర పురస్కారం ది ఆర్డర్ ఆఫ్ ముబారక్ అల్ కబీర్’ను అందజేశారు. దీంతో ఇప్పటివరకు ఆయన అందుకున్న అంతర్జాతీయ పురస్కారాల సంఖ్య 20కి చేరింది. ఆయనకు గతంలో బార్బడోస్, గయానా, డొమినికా, నైజీరియా, రష్యా, భూటాన్, ఫ్రాన్స్, US, UAE తదితర దేశాలు పురస్కారాలను అందించాయి.
Similar News
News December 23, 2024
VIRAL: షమీ-సానియా పెళ్లి ఫొటోలు.. నిజమిదే
టీమ్ ఇండియా స్టార్ క్రికెటర్ షమీ తన భార్యతో, టెన్నిస్ స్టార్ సానియా మీర్జా తన భర్తతో కొన్నాళ్ల క్రితం విడాకులు తీసుకున్నారు. ఈ క్రమంలోనే షమీ, సానియా పెళ్లి చేసుకున్నారంటూ తాజాగా కొన్ని ఫొటోలు SMలో వైరల్ అవుతున్నాయి. అయితే ఇవన్నీ ఏఐ రూపొందించిన ఫొటోలే. కొందరు కావాలనే షమీ, సానియా పక్కపక్కనే ఉన్నట్లుగా ఫొటోలను ఏఐతో డిజైన్ చేశారు. వీరిద్దరూ పెళ్లి చేసుకోలేదు.
News December 23, 2024
SSA ఉద్యోగుల సమస్యలు పరిష్కరించాలి: హరీశ్
TG: కాంగ్రెస్ ప్రభుత్వం సర్వశిక్ష అభియాన్ ఉద్యోగుల సమస్యలను వెంటనే పరిష్కరించాలని బీఆర్ఎస్ నేత హరీశ్ రావు డిమాండ్ చేశారు. హనుమకొండలో దీక్ష చేస్తున్న SSA ఉద్యోగులను ఆయన కలిశారు. కాంగ్రెస్ నేతలు అసెంబ్లీని అబద్ధాల వేదికగా మార్చారని దుయ్యబట్టారు. తాము రూ.4.17 లక్షల కోట్ల అప్పు చేస్తే, రూ.7 లక్షల కోట్లని కాంగ్రెస్ ప్రభుత్వం తప్పుడు ప్రచారం చేస్తుందని మండిపడ్డారు.
News December 23, 2024
థియేటర్లో పాప్‌కార్న్ తింటున్నారా..!
సినిమా హాల్లో ఇంటర్వెల్ అవ్వగానే పాప్‌కార్న్ తెచ్చుకొని తినడం చాలామందికి అలవాటు. మల్టీప్లెక్సుల్లో వీటిధర రూ.250-350 వరకూ ఉంటోంది. ఇప్పటికే అంత పెట్టలేక కస్టమర్లు లబోదిబో అంటున్నారు. తాజాగా GST మండలి వీటిపై పన్నును వర్గీకరించడంతో భారం మరింతకానుంది. లూజ్ పాప్‌కార్న్‌పై 5, ప్రీప్యాక్డ్‌పై 12, కారమెల్ వంటి షుగర్ కోటింగ్స్ వేస్తే 18% GST అమలవుతుంది. ఇకపై నాలుకకు తీపి తగలాలంటే జేబుకు చిల్లుపడాల్సిందే.