News December 23, 2024
రాష్ట్రంలో మరిన్ని సంతాన సాఫల్య కేంద్రాలు
TG: సంతాన లేమి సమస్యతో బాధపడుతున్న వారి కోసం రాష్ట్ర ప్రభుత్వం సంతాన సాఫల్య కేంద్రాలను ఏర్పాటు చేస్తోంది. ఇప్పటికే HYDలోని గాంధీ, పేట్ల బురుజు ప్రభుత్వ ఆస్పత్రుల్లో ఐవీఎఫ్ కేంద్రాలను ప్రారంభించిన ప్రభుత్వం మరిన్ని జిల్లాల్లో వీటిని ఏర్పాటు చేసేందుకు ప్రణాళికలు రచిస్తోంది. వరంగల్ ఎంజీఎంలో ఏర్పాటుకు ఇప్పటికే ఉత్తర్వులు ఇచ్చింది. HYD, కరీంనగర్, ఖమ్మం, నిజామాబాద్, MBNRలోనూ ఏర్పాటు చేయనుంది.
Similar News
News December 23, 2024
వారం రోజుల్లోనే OTTలోకి రాజమౌళి సినిమా!
దర్శకధీరుడు రాజమౌళిపై తెరకెక్కిన ‘RRR: Behind & Beyond’ డాక్యుమెంటరీ ఫిల్మ్ ఈనెల 20న థియేటర్లలో రిలీజైన విషయం తెలిసిందే. ఈ చిత్రానికి ఫ్యాన్స్ నుంచి మంచి రెస్పాన్స్ రాగా, ఓటీటీలో రిలీజ్‌కు సిద్ధమైంది. ఈ నెల 27న నెట్‌ఫ్లిక్స్‌లో విడుదల కానున్నట్లు మేకర్స్ ప్రకటించారు. ఈ డాక్యుమెంటరీలో చరణ్, ఎన్టీఆర్‌ సీన్స్‌తో పాటు ఇతర నటీనటుల చిత్రీకరణలో జక్కన్న పడిన కష్టాన్ని చూపారు.
News December 23, 2024
భారత మాజీ క్రికెటర్ ఆరోగ్యం విషమం
టీమ్ ఇండియా మాజీ క్రికెటర్ వినోద్ కాంబ్లీ ఆరోగ్యం మరింత క్షీణించింది. ఆయనను థానేలోని ఆకృతి ఆసుపత్రిలో చేర్పించి చికిత్స అందిస్తున్నారు. ప్రస్తుతం కాంబ్లీ పరిస్థితి క్రిటికల్‌గా ఉన్నట్లు తెలుస్తోంది. కొంతకాలంగా ఆయన ఆరోగ్యం పూర్తిగా దెబ్బతింది. ఇటీవలే కాంబ్లీని ఆసుపత్రిలో చేర్పించి ట్రీట్‌మెంట్ ఇచ్చారు. తాజాగా మరోసారి ఆయన ఆసుపత్రిపాలయ్యారు. కాంబ్లీ ఆరోగ్య పరిస్థితిపై ఫ్యాన్స్ ఆందోళన చెందుతున్నారు.
News December 23, 2024
ALERT.. 3 రోజులు వర్షాలు
నైరుతి బంగాళాఖాతంలో తీవ్ర అల్పపీడనం కొనసాగుతోంది. దీని ప్రభావంతో రానున్న మూడ్రోజులు దక్షిణ కోస్తాలో వర్షాలు పడనున్నాయి. నెల్లూరు, ప్రకాశం, తిరుపతి సహా పలు జిల్లాల్లో భారీ వర్షాలు పడనున్నాయి. పోర్టుల్లో మూడో నంబర్ హెచ్చరికలు కొనసాగుతున్నాయి. మత్స్యకారులు గురువారం వరకు సముద్రంలో వేటకు వెళ్లవద్దని అధికారులు హెచ్చరించారు.