News December 23, 2024
ట్రాఫిక్ అసిస్టెంట్లుగా ట్రాన్స్‌జెండర్ల నియామకం భేష్: గుత్తా జ్వాలా
ట్రాన్స్‌జెండర్లను ట్రాఫిక్ అసిస్టెంట్లుగా నియమించడంపై బ్యాడ్మింటన్ స్టార్ గుత్తా జ్వాలా హర్షం వ్యక్తం చేశారు. ‘సీఎం రేవంత్, హైదరాబాద్ సీపీ సీవీ ఆనంద్ తీసుకున్న ఈ నిర్ణయం కచ్చితంగా విప్లవాత్మక చర్యగా మారనుంది. ట్రాన్స్‌జెండర్ల నియామకంతో సమాజంలో వారికి అధికారిక గుర్తింపు లభించింది. ఈ చర్య మన తెలంగాణ రాష్ట్రంలో ప్రగతిశీల మార్పునకు శ్రీకారం కానుంది’ అని పేర్కొన్నారు.
Similar News
News December 23, 2024
ఇంట‌ర్‌పోల్ కోసం భారత్పోల్.. సిద్ధం చేసిన CBI
ఇంట‌ర్‌పోల్ నుంచి అవసరమైన సమాచారాన్ని పొందేలా అన్ని రాష్ట్రాలు, దర్యాప్తు సంస్థల కోసం సరికొత్త టెక్నాలజీ వ్యవస్థ ‘భారత్పోల్’ను CBI సిద్ధం చేసింది. ఇప్ప‌టిదాకా ఇంట‌ర్‌పోల్ సమాచారం కోసం ఏజెన్సీలు అన్నీ CBIకు అభ్యర్థనలు పంపేవి. దీని వ‌ల్ల కేసుల విచార‌ణ‌కు అధిక స‌మ‌యం ప‌డుతుండ‌డంతో ఈ సమీకృత వ్యవస్థకు శ్రీకారం చుట్టింది. ట్రయల్స్ దశలో ఉన్న ఈ టెక్నాలజీని Jan 7న అమిత్ షా ప్రారంభించే అవకాశం ఉంది.
News December 23, 2024
కాంగ్రెస్ Vs బీఆర్ఎస్.. మధ్యలో అల్లు అర్జున్
TGలో అల్లు అర్జున్ కేంద్రంగా రాజకీయం నడుస్తోంది. బన్నీ అరెస్టైనప్పుడు KTR ట్వీట్‌తో దుమారం రేగింది. కుట్రపూరితంగా అతడిని ఇరికిస్తున్నారని INC, రేవంత్‌పై BRS విమర్శలు గుప్పించింది. ఎదురుదాడికి దిగిన INC.. AAకు బీఆర్ఎస్సే డైరెక్షన్స్ ఇస్తోందని ఆరోపించింది. మొత్తం వ్యవహారంలో AA, BRS అభిమానులు ఒకవైపు, కాంగ్రెస్ మరోవైపు ఉన్నాయి. మరి ఈ ‘సినీ రాజకీయం’ ఎక్కడివరకు వెళ్తుందో, ఎక్కడ ఆగుతుందో చూడాలి.
News December 23, 2024
రేపటి నుంచి సెలవులు
క్రిస్మస్ ఈవ్ సందర్భంగా తెలంగాణలో కొన్ని స్కూళ్లకు రేపు ఆప్షనల్ హాలిడే ఉండనుంది. ఇప్పటికే సంబంధిత పాఠశాలల నుంచి విద్యార్థుల పేరెంట్స్‌కు సమాచారం అందింది. 25, 26న పబ్లిక్ హాలిడేస్ ఉండటంతో ఆయా పాఠశాలలకు వరుసగా 3 రోజులు, మిగతావాటికి 2 రోజులు సెలవులు రానున్నాయి. అటు ఏపీలోనూ రేపు కొన్ని స్కూళ్లకు ఆప్షనల్, 25న పబ్లిక్ హాలిడే, 26న ఆప్షనల్ హాలిడే ఉండనుంది.