News March 16, 2024
HYD: ఏసీబీ వలలో జలమండలి అధికారులు
రెవెన్యూ సర్కిల్ జలమండలి కార్యాలయంలో సీనియర్ అసిస్టెంట్ ఫైనాన్స్ ఎల్.రాకేశ్, అవుట్ సోర్సింగ్ ఉద్యోగి సందీప్‌ను అక్బర్ హుస్సేన్ అనే వ్యక్తి కలిశారు. తన పని అవ్వాలంటే రూ.లక్ష లంచం ఇవ్వాలని వారు డిమాండ్ చేశారు. దీంతో అక్బర్ ఏసీబీ అధికారులను సంప్రదించాడు. శుక్రవారం లంచం తీసుకుంటూ రెడ్ హ్యాండెడ్‌గా ఏసీబీ అధికారులకు రాకేశ్ దొరికాడు. నాంపల్లి ఏసీబీ కోర్టులో వారిని హాజరుపర్చగా కోర్టు రిమాండ్ విధించింది.
Similar News
News November 23, 2024
HYD: ఇవేంటో గుర్తొచ్చాయా? అర్థం ఇదే..!
కిరాణా దుకాణంలో తరచుగా పాలు, ఉప్పు, బియ్యం, గోధుమ కొంటూనే ఉంటాం. ఎప్పుడైనా ఆ ప్యాకెట్లపై +F గుర్తు చూశారా..? ఈ గుర్తు ఉంటే, ఆ పదార్థాలు ఆరోగ్యానికి మంచివని FSSAI తెలిపినట్లు HYD ఫుడ్ సేఫ్టీ అధికారులు పేర్కొన్నారు. +F అంటే ఫోర్టిఫైడ్ + మినరల్స్ + విటమిన్స్ అని అర్థం. వీటి ద్వారా శరీరానికి రోజుకు కావలసిన పోషకాలు అందుతాయన్నారు.
News November 23, 2024
HYD: బీసీల సమర భేరి.. మంత్రి పొన్నంకు ఆహ్వానం
బీసీ సంక్షేమంపై అవగాహన కల్పించేందుకు ఈ నెల 25న రవీంద్ర భారతి వేదికగా బీసీ సమర భేరి కార్యక్రమం జరగనుంది. ఈ సందర్భంగా బీసీ సంక్షేమ శాఖ మంత్రి పొన్నం ప్రభాకర్‌ను ఆయన ఛాంబర్లో బీసీ సంక్షేమ జాతీయ కన్వీనర్ గుజ్జ కృష్ణ, నేతలు నంద గోపాల్, నీలం ఉదయ్ నేత, రఘుపతి బృందం కలిసి సమరభేరి హాజరుకావాలని ఆహ్వానించారు. బీసీలు అందరూ ఐక్యతను చాటాలని, భారీ సంఖ్యలో సమరభేరికి హాజరై విజయవంతం చేయాలని వారు పిలుపునిచ్చారు.
News November 23, 2024
HYD: బీసీ సంక్షేమానికి సమరభేరి: ఆర్.కృష్ణయ్య
జనగణనలో కులగణన, BCల కోసం 50% రిజర్వేషన్లకు పార్లమెంట్ బిల్లు, క్రీమిలేయర్ తొలగింపు, ప్రత్యేక మంత్రిత్వశాఖ ఏర్పాట్లను డిమాండ్ చేస్తూ నవంబర్ 25న రవీంద్రభారతిలో BC సంక్షేమ సమరభేరిని నిర్వహిస్తున్నట్లు BC సంక్షేమ సంఘం అధ్యక్షుడు ఆర్.కృష్ణయ్య వెల్లడించారు. సమరభేరికి BC కుల సంఘాల ప్రతినిధులు పెద్ద ఎత్తున పాల్గొని విజయవంతం చేయాలని ఆయన పిలుపునిచ్చారు.