News December 24, 2024
నేడు కాంగ్రెస్ దేశవ్యాప్త ఆందోళనలు
అంబేడ్కర్‌పై కేంద్రమంత్రి అమిత్ షా వ్యాఖ్యలను నిరసిస్తూ ఇవాళ కాంగ్రెస్ పార్టీ దేశవ్యాప్త ఆందోళనలు చేపట్టనుంది. ఢిల్లీలో జరిగే నిరసనల్లో కాంగ్రెస్ అగ్రనేతలు పాల్గొననున్నారు. హైదరాబాద్‌లో టీపీసీసీ చీఫ్ మహేశ్ కుమార్ గౌడ్, డిప్యూటీ సీఎం భట్టి, మంత్రులు, ఎంపీలు, ఎమ్మెల్సీలు, ఎమ్మెల్యేలు హాజరవుతారు. ఆంధ్రప్రదేశ్‌లో ఏపీసీసీ చీఫ్ షర్మిల ఆధ్వర్యంలో ఆందోళనలు జరగనున్నాయి.
Similar News
News December 25, 2024
అల్పపీడనం ఎఫెక్ట్.. వర్షాలతో భారీ నష్టం
అల్పపీడనం ప్రభావంతో ఏపీ, తెలంగాణల్లో కురుస్తున్న వర్షాలతో వరి, పత్తి, మిర్చి పంటలకు భారీ నష్టం వాటిల్లుతోంది. గుంటూరు, పల్నాడు జిల్లాల్లో 2 రోజులుగా కురుస్తున్న జల్లులతో కోతకొచ్చిన పంటతో పాటు ధాన్యం నీటి పాలైనట్లు రైతులు వాపోయారు. అటు TGలోని భూపాలపల్లి జిల్లాలోని మహా‌ముత్తారం మండలం, ఖమ్మం జిల్లా వైరా, కొణిజర్ల, ఏన్కూరు మండలాల్లో ధాన్యం నీటి పాలైందని, కొనుగోళ్లు వేగవంతం చేయాలని కోరుతున్నారు.
News December 25, 2024
పారిస్‌లో ఫ్యామిలీతో నయనతార
లేడీ సూపర్‌స్టార్ నయనతార క్రిస్మస్ వెకేషన్ ఎంజాయ్ చేస్తున్నారు. ఫ్యామిలీతో పారిస్ వెళ్లిన హీరోయిన్ భర్త, పిల్లలతో ఈఫిల్ టవర్ ముందు ఫొటోలకు ఫోజులిచ్చారు. ఈ ఏడాది క్రిస్మస్ వేడుకలను అక్కడ జరుపుకుంటున్న ఆమె ఫ్యామిలీతో దిగిన ఫొటోలను సోషల్ మీడియాలో పోస్ట్ చేశారు. దీంతో హ్యాపీ క్రిస్మస్ అంటూ ఫ్యాన్స్ విషెస్ తెలుపుతున్నారు. నయనతార, విఘ్నేష్ శివన్‌లకు సరోగసి ద్వారా కవల పిల్లలు జన్మించిన విషయం తెలిసిందే.
News December 25, 2024
మరోసారి కిమ్స్‌కు వెళ్లనున్న సుకుమార్, దిల్ రాజు?
కిమ్స్ ఆసుపత్రిలో చికిత్స పొందుతున్న శ్రీతేజ్‌ను నిర్మాత అల్లు అరవింద్, దర్శకుడు సుకుమార్, దిల్ రాజుతో కలిసి ఇవాళ మరోసారి పరామర్శిస్తారని తెలుస్తోంది. మ.2 గంటలకు వెళ్లనున్నట్లు సంబంధిత వర్గాలు తెలిపాయి. శ్రీతేజ్ కుటుంబానికి సాయంపై బాలుడి తండ్రి భాస్కర్‌తో చర్చించనున్నట్లు సమాచారం. ఇప్పటికే రేవతి భర్తకు దిల్ రాజు ఉద్యోగ హామీ ఇచ్చిన సంగతి తెలిసిందే.