News December 24, 2024
బడ్జెట్‌పై ఆర్థికవేత్తలతో మోదీ సమాలోచనలు
కేంద్ర బ‌డ్జెట్‌లో పొందుప‌ర‌చాల్సిన అంశాలు, కేటాయింపుల‌పై స‌ల‌హాలు, సూచ‌న‌లు తీసుకొనేందుకు ఆర్థిక‌వేత్త‌లు, భిన్న రంగాల నిపుణుల‌తో ప్రధాని మోదీ ప్ర‌త్యేకంగా సమావేశమయ్యారు. Feb 1న నిర్మలా సీతారామన్ 2025-26 వార్షిక బడ్జెట్‌ను ప్రవేశపెట్టనున్నారు. Niti Aayog Vice-Chairman సుమన్ బేరీ, CEO సుబ్రహ్మణ్యం, Chief Economic Advisor అనంత నాగేశ్వరన్, ఆర్థికవేత్త సుర్జిత్ భల్లా తదితరులు పాల్గొన్నారు.
Similar News
News December 25, 2024
WhatsAppలో అదిరిపోయే ఫీచర్
వాట్సాప్‌లో సూపర్ ఫీచర్ వచ్చింది. ఏదైనా డాక్యుమెంట్‌ను స్కాన్ చేయాలంటే ఇక థర్డ్ పార్టీ యాప్స్ అవసరం లేదు. నేరుగా వాట్సాప్‌లోనే స్కాన్ చేసి షేర్ చేసుకునే వెసులుబాటు వచ్చింది. ప్రస్తుతం iOS యూజర్లకు ఈ ఫీచర్ రాగా, త్వరలో ఆండ్రాయిడ్ యూజర్లకూ అందుబాటులోకి రానుంది. డాక్యుమెంట్ షేరింగ్ మెనూ ఓపెన్ చేసి, ‘SCAN DOCUMENT’పై క్లిక్ చేస్తే స్కాన్ చేసుకోవచ్చు. బ్లాక్&వైట్ మోడ్, PDF లాంటి ఆప్షన్లు ఉంటాయి.
News December 25, 2024
IND vs AUS: నితీశ్ కుమార్ రెడ్డిపై వేటు?
ఆస్ట్రేలియాతో రేపు జరిగే నాలుగో టెస్టుకు నితీశ్ రెడ్డిని జట్టు నుంచి తప్పించాలని టీమ్ ఇండియా భావిస్తున్నట్లు తెలుస్తోంది. ఆయన స్థానంలో స్పిన్నర్‌ను ఆడించాలని యోచిస్తున్నట్లు సమాచారం. ఈ నిర్ణయంపై నెటిజన్లు విరుచుకుపడుతున్నారు. సిరీస్‌లో నిలకడగా రాణిస్తున్న నితీశ్‌ను తప్పించడం ఏంటని ప్రశ్నిస్తున్నారు. తొలి రెండు టెస్టుల్లో జట్టు కష్టాల్లో ఉన్నప్పుడు అద్భుత ఇన్నింగ్స్‌లు ఆడారని గుర్తు చేస్తున్నారు.
News December 25, 2024
ఏపీకి రావాలని మోదీకి చంద్రబాబు ఆహ్వానం
ప్రధాని నరేంద్ర మోదీతో ఢిల్లీలో ఏపీ సీఎం చంద్రబాబు భేటీ ముగిసింది. రాష్ట్ర పరిస్థితులు, అభివృద్ధి గురించి మోదీతో చర్చించారు. అమరావతికి రూ.15 వేల కోట్ల సాయాన్ని వేగవంతం చేయాలని చంద్రబాబు కోరారు. విశాఖ రైల్వే జోన్ శంకుస్థాపనకు రావాలని కోరగా మోదీ అంగీకరించారు. జనవరి 8న వైజాగ్ వస్తానని మోదీ చెప్పారు. దాదాపు గంటపాటు వీరిద్దరూ సమావేశమయ్యారు.