News December 26, 2024
రేపు కర్ణాటకకు సీఎం రేవంత్
TG: కర్ణాటకలోని బెలగావిలో గురువారం నుంచి జరిగే CWC సమావేశాల్లో పాల్గొనేందుకు CM రేవంత్ వెళ్లనున్నారు. ఉదయం 11 తర్వాత బేగంపేట ఎయిర్పోర్టు నుంచి హెలికాప్టర్లో ఆయన బెలగావికి పయనమవుతారు. వందేళ్ల క్రితం ఏఐసీసీ అధ్యక్షుడిగా గాంధీజీ బెలగావిలోనే బాధ్యతలు చేపట్టారు. ఈ నేపథ్యంలో కాంగ్రెస్ ‘సత్యాగ్రహ బైఠక్’ పేరుతో ప్రత్యేక సమావేశాలు నిర్వహిస్తోంది. గురు, శుక్రవారాల్లో ఈ సమావేశాలు జరగనున్నాయి.
Similar News
News January 19, 2026
కవిత కొత్త పార్టీకి సన్నాహాలు.. స్ట్రాటజిస్ట్గా పీకే
TG: జాగృతి చీఫ్ కవిత ఉగాది వేళ కొత్త పార్టీని ప్రకటించే అవకాశం ఉంది. ఆమె పార్టీ కోసం ప్రముఖ ఎన్నికల వ్యూహకర్త ప్రశాంత్ కిశోర్ రంగంలోకి దిగారు. ఇటీవల 5 రోజులు హైదరాబాద్లోనే మకాం వేసి కొత్త పార్టీపై కవితతో చర్చలు జరిపారు. రాష్ట్రంలోని రాజకీయ పరిస్థితులపై సమీక్షించారు. అంతేకాదు కాంగ్రెస్, బీఆర్ఎస్లోని ఇద్దరు కీలక నేతలతో కూడా పీకే మాట్లాడినట్లు తెలుస్తోంది.
News January 19, 2026
మాఘ మాసంలో పర్వదినాలు
చంద్ర దర్శనం(JAN 20), లలితా వ్రతం(21), వసంత పంచమి(23), రథసప్తమి(25), భీష్మాష్టమి(26), మధ్వనవమి(27), అంతర్వేది శ్రీ లక్ష్మి నరసింహ స్వామి కళ్యాణం(28), భీష్మ ఏకాదశి(29), వరాహ ద్వాదశి వ్రతం, పక్ష ప్రదోషం(30), విశ్వకర్మ జయంతి(31), మాఘ పౌర్ణమి, సతీదేవి జయంతి(FEB 1), సౌభాగ్య వ్రతం(2), సంకష్టహర చవితి(5), మంగళవ్రతం(9), విజయ ఏకాదశి(13), తిల ద్వాదశి, పక్ష ప్రదోషం(14), మహాశివరాత్రి(15), ధర్మ అమావాస్య(17).
News January 19, 2026
చెట్ల వ్యర్థాలను సెకన్లలో ముక్కలు చేసే ఉడ్ చిప్పర్..
కొబ్బరి, పామాయిల్, ఇతర పంటల్లో కింద పడిన కొమ్మలు, నరికిన చెట్ల కాండాన్ని వేరే చోటుకు తరలించడం కష్టంగా మారి తోటలోనే వదిలేస్తుంటారు. ఈ వ్యర్థాల నిర్వహణకు ‘ఉడ్ చిప్పర్’ యంత్రం పరిష్కారం చూపింది. కొబ్బరి, పామాయిల్ మట్టలను, చెట్ల కొమ్మలను ఇది సెకన్లలో ముక్కలుగా చేసేస్తుంది. ఈ ముక్కలను మల్చించ్, కంపోస్ట్ తయారీ, ఇతర అవసరాలకు వాడుకోవచ్చు. ఈ యంత్రానికి ఉండే చక్రాలతో ఇతర ప్రాంతాలకు సులభంగా తీసుకెళ్లవచ్చు.