News December 26, 2024
HYD సీపీ చేతనైతే ఆ పని చేయాలి: ఎంపీ రఘునందన్‌రావు
ప్రైవేట్ బౌన్సర్ల వ్యవస్థపై ఎంపీ రఘునందన్‌రావు సంచలన వ్యాఖ్యలు చేశారు. HYDలో ఆయన మాట్లాడుతూ.. ఉన్నది ఉన్నట్లుగా మాట్లాడితే ఊరంతా కోపగించుకుటారని.. అందరికీ శత్రువులు అవుతారంటూ పెద్దలు చెప్పారని కామెంట్ చేశారు. రాష్ట్రంలో బౌన్సర్లను పెట్టుకుని నెట్టేయించే సంస్కృతిని తెచ్చిందే ఆనాడు TPCC చీఫ్‌గా పని చేసిన రేవంత్ రెడ్డి అని ఆరోపించారు. HYD సీపీ సీవీ ఆనంద్ చేతనైతే బౌన్సర్ల మీద చర్యలు తీసుకోవాలన్నారు.
Similar News
News December 27, 2024
కొల్చారం: SI సూసైడ్.. కారణం ఇదే..?
కామారెడ్డి జిల్లాలో నిన్న కొల్చారానికి చెందిన <<14983014>>SI <<>>సాయికుమార్ మృతిచెందిన విషయం తెలిసిందే. కాగా, మహిళ కానిస్టేబుల్‌తో ఉన్న పరిచయమే ఆయన మృతికి కారణంగా తెలుస్తోంది. సాయికుమార్ బీబీపేటలో SIగా పనిచేసేటప్పుడు కానిస్టేబుల్ శ్రుతితో పరిచయం ఏర్పడింది. ఈయన భిక్కనూర్‌కు బదిలీపై వెళ్లగా.. కంప్యూటర్ ఆపరేటర్‌ నిఖిల్‌ శ్రుతికి పరిచయం అయ్యాడు. కాగా, వీరి మధ్య ఏర్పడిన పరిచయమే మృతికి కారణంగా తెలుస్తోంది.
News December 27, 2024
మన్మోహన్‌సింగ్‌ రాజనీతిజ్ఞత గొప్పది: KCR
మాజీ ప్రధాని మన్మోహన్‌సింగ్‌ రాజనీతిజ్ఞత గొప్పదని మాజీ సీఎం KCR అన్నారు. ప్రపంచ వ్యాప్తంగా ఆర్థిక వ్యవస్థలు చిన్నాభిన్నం అవుతుంటే భారత ఆర్థిక వ్యవస్థ నిలదొక్కుకొని నిలబడేందుకు నాటి ప్రధానిగా పీవీ నర్సింహారావు సంస్కరణల రూపం వెనుక ఉంది మన్మోహన్‌సింగ్‌ అన్నారు. దశాబ్దాలపాటు తెలంగాణపై కొనసాగిన అణచివేతలు, ఆర్థిక దోపిడి, సామాజిక, సాంస్కృతిక వివక్ష తెలిసిన అతికొద్ది మంది నాయకుల్లో మన్మోహన్‌ ఉంటారన్నారు.
News December 27, 2024
సంగారెడ్డి: మైనర్‌పై అత్యాచారం.. 20ఏళ్లు జైలు
మైనర్‌పై అత్యాచారం కేసులో నిందితుడు రజినీకాంత్‌కు 20 ఏళ్ల జైలు, రూ.10వేల జరిమానా విధిస్తూ పోక్సో కోర్టు జడ్జి జయంతి తీర్పు వెల్లడించారని సంగారెడ్డి ఎస్పీ రూపేశ్ తెలిపారు. 2019లో చౌటకూరు మండలం ఉప్పరగూడెంకు చెందిన రజినీకాంత్ ఇంటికి వెళ్లి అత్యాచారం చేశాడని బాలిక తండ్రి పుల్కల్ పోలీసులకు ఫిర్యాదు చేశారు. ఈ కేసులో నేరం రుజువు కావడంతో న్యాయమూర్తి ఈ మేరకు తీర్పు ఇచ్చినట్లు ఎస్పీ తెలిపారు.