News March 16, 2024
జిల్లాలో 5 ప్రాంతాలలో అత్యధిక ఉష్ణోగ్రత నమోదు
అనంతపురం జిల్లాలో 5 ప్రాంతాలలో అత్యధిక ఉష్ణోగ్రత నమోదు అయినట్లు ఆచార్య ఎన్.జి. రంగా వ్యవసాయ విశ్వవిద్యాలయం పరిశోధన స్థానంలో వాతావరణం విభాగం శాస్త్రవేత్త నారాయణస్వామి శనివారం ఓ ప్రకటనలో తెలిపారు. తాడిపత్రి మండలంలోని తేరన్నపల్లిలో 41.22, హుస్సేన్ పురం 40.29, కళ్యాణదుర్గం 40.16, విడపనకల్లు 40.12, యల్లనూరు 39.90 ఉష్ణోగ్రత నమోదు అయిందన్నారు. ఎండాకాలంలో తగిన జాగ్రత్తలు చేపట్టాలన్నారు.
Similar News
News November 24, 2024
అనంతపురం: ఘోర రోడ్డు ప్రమాదంలో మరొకరు మృతి
గార్లదిన్నె మండలం తలగాసుపల్లె వద్ద కూలీలతో వెళ్తున్న ఆటోను బస్సు ఢీకొన్న ఘోర ప్రమాదంలో మృతుల సంఖ్య పెరుగుతూనే ఉంది. సాయంత్రం వరకు ఏడుగురు మరణించగా.. ప్రస్తుతం అనంతపురంలోని సవేరా ఆస్పత్రిలో చికిత్స పొందుతున్న ఈశ్వరయ్య మృతి చెందారు. తీవ్రంగా గాయపడ్డ ఈశ్వరయ్యకు మెరుగైన వైద్యసేవలు అందించినా.. దురదృష్టవశాత్తు అతను కూడా మృతి చెందారు. మరో ఐదుగురు తీవ్రంగా గాయపడ్డారు.
News November 23, 2024
మృతుల కుటుంబాలకు ప్రగాఢ సంతాపం: వైయస్ జగన్
అనంతపురం జిల్లాలో జరిగిన ఘోర రోడ్డు ప్రమాదంపై వైయస్ జగన్ తీవ్ర దిగ్భ్రాంతి వ్యక్తం చేశారు. గార్లదిన్నె మండలం తలగాసిపల్లె వద్ద ఆటోను ఆర్టీసీ బస్సు ఢీకొన్న ఘటనలో ఏడుగురు మత్యువాత పడ్డారు. వీరంతా కూలీ పనులకు వెళ్ళొస్తూ రోడ్డు ప్రమాదంలో చనిపోయారు. ఈ ఘటనలో మృతుల కుటుంబాలకు తన ప్రగాఢ సంతాపం మాజీ సీఎం జగన్ తెలిపారు. మృతుల కుటుంబాలను ప్రభుత్వం ఉదారంగా ఆదుకోవాలని ఆయన విజ్ఞప్తి చేశారు.
News November 23, 2024
ATP: ఘోరం.. ఒకే ఊరిలో ఏడుగురి మృతి
అనంతపురం జిల్లాలో మధ్యాహ్నం జరిగిన <<14686395>>ఘోర రోడ్డు ప్రమాదం<<>> ఓ ఊరినే విషాదంలోకి నెట్టేసింది. ఈ ఘటనలో పుట్లూరు(M) ఎల్లుట్ల గ్రామానికి చెందిన ఏడుగురు చనిపోయారు. మృతులు డి.నాగమ్మ, బి.నాగమ్మ, బి.నాగన్న, రామాంజినమ్మ, బాల పెద్దయ్య, కొండమ్మ, జయరాముడిగా గుర్తించారు. కాగా ఇందులో నాగమ్మ, నాగన్న భార్యాభర్తలు. అరటికాయల కూలీ పనులకు ఆటోలో వెళ్తుండగా బస్సు ఢీకొని వీరంతా చనిపోయారు.