News December 28, 2024
HYD: అవగాహనతోనే మదకద్రవ్యాల నిర్మూలన: సందీప్ శాండిల్య
అవగాహనతో మాదకద్రవ్యాల దుర్వినియోగాన్ని పరిష్కరించాల్సిన అవసరం ఉందని టీజీఏఎన్‌బీ డైరెక్టర్ సందీప్ శాండిల్య అన్నారు. శనివారం ‘డ్రగ్-ఫ్రీ వెల్‌నెస్’ కార్యక్రమంలో భాగంగా తెలంగాణ యాంటీ నార్కోటిక్స్ బ్యూరో ఎడిస్టీస్ ఫౌండేషన్, క్రియేట్ ఎడ్యుటెక్‌లతో సహకార ఒప్పందాన్ని కుదుర్చుకుంది. ఈ మార్గదర్శకాలతో ఆన్‌లైన్ ప్రోగ్రామ్ పూర్తి చేసిన వారికి సర్టిఫికెట్లు అందజేశారు.
Similar News
News January 1, 2025
HYD: రాష్ట్ర పోలీసుల విశిష్ట సేవలకు పతకాలు
HYD: తెలంగాణ పోలీసుల విశిష్ట సేవలకు పతకాలను కేంద్ర హోంశాఖ ప్రకటించింది. తెలంగాణ పోలీసులకు 617 పతకాలను కేంద్ర ప్రభుత్వం ప్రకటించింది. ఇందులో శౌర్య పతకం1, మహోన్నత సేవా పతకం17, ఉత్తమ సేవా పతకం 93, కఠినసేవా పతకం 46, సేవా పతకం 460 ఇచ్చారు. నూతన సంవత్సరంలో ఈ సేవా పతకాలు రావడం డీజీపీ జితేందర్ హర్షం వ్యక్తం చేశారు.
News December 31, 2024
HYD: డ్రంక్ అండ్ డ్రైవ్‌కు చిక్కారో.. ఇక అంతే
న్యూ ఇయర్ వేడుకల వేళ ఆకతాయులు, మద్యం ప్రియుల ఆటలు అరికట్టేందుకు హైదరాబాద్ పోలీసులు సిద్ధమయ్యారు. ఈ క్రమంలోనే ముందస్తుగా న్యూ ఇయర్ వేడుకల వేళ తీసుకునే చర్యలపై పోలీసులు అప్రమత్తం చేశారు. రాత్రి 8 నుంచి రేపు ఉదయం 7 గంటల వరకు డ్రంక్ అండ్ డ్రైవ్ టెస్టులు చేయనున్నారు. మద్యం సేవించి వాహనం నడిపితే రూ.10వేలు జరిమానా, 6నెలల జైలు శిక్ష విధించనున్నారు. న్యూ ఇయర్ వేడుకల్లో పాల్గొనే HYD వాసులారా జాగ్రత్త.
News December 31, 2024
HYDలో NEW YEAR సెలబ్రేషన్స్ బంద్‌కు పిలుపు
‘విదేశీ విష సంస్కృతిని విడనాడుదాం. స్వదేశీ సంస్కృతిని కాపాడుదాం. జనవరి ఒకటి వద్దు’ అంటూ BJP నేతలు పిలుపునిస్తున్నారు. అల్లాపూర్‌లోని గాయత్రీనగర్‌లో సోమవారం గాంధీ విగ్రహం నుంచి ప్రధాన వీధుల్లో ర్యాలీ నిర్వహించారు. ప్లకార్డులు ప్రదర్శించారు. అనంతరం వాల్‌ పోస్టర్ ఆవిష్కరించారు. జనవరి ఒకటిన తేదీ మారడం తప్పా ఇంకో సంబరం ఏమీ లేదన్నారు. ఉగాది మన కొత్త సంవత్సరం అని గుర్తు చేశారు. దీనిపై మీ కామెంట్?