News December 29, 2024
త్వరలో FM ఛానెల్: ‘హైడ్రా’ కమిషనర్ రంగనాథ్
తాము ఇప్పటివరకు 8 చెరువులు, 12 పార్కులతో సహా 200 ఎకరాల ప్రభుత్వ భూమిని కాపాడామని ‘హైడ్రా’ కమిషనర్ రంగనాథ్ తెలిపారు. “సాంకేతిక పరిజ్ఞానంతో చెరువులకు సరిహద్దులు, బఫర్ జోన్లు నిర్ణయిస్తున్నాం. హైడ్రా తరఫున త్వరలోనే FM ఛానెల్ పెట్టేందుకు ప్లాన్ చేస్తున్నాం. దాని ద్వారా ప్రజలకు ఎప్పటికప్పుడు వాతావరణ సమాచారం తెలిపేందుకు వీలుంటుంది” అని రంగనాథ్ తెలిపారు. హైడ్రాకు 5,800 ఫిర్యాదులు అందాయన్నారు.
Similar News
News January 2, 2025
HYD: MNJ ఆస్పత్రికి రోగుల తాకిడి
రెడ్ హిల్స్‌లోని MNJ క్యాన్సర్ ఆస్పత్రికి రోజురోజుకు రోగుల తాకిడి పెరుగుతుందని అధికారులు తెలిపారు. ప్రతి ఏటా సుమారు 1500 రొమ్ము క్యాన్సర్ కేసులు నమోదవుతున్నాయని, మరో 1200 వరకు గర్భాశయ క్యాన్సర్ వచ్చిన వారు సంప్రదిస్తున్నట్లు వైద్యులు తెలిపారు. ఎక్కువమంది వ్యాధి ముదిరే దశలో వస్తున్నారని, మొదటి దశలో వస్తే పూర్తిగా నయం చేయవచ్చన్నారు.
News January 2, 2025
హైదరాబాద్‌లో 81 లక్షల చలాన్లు..!
HYD, CYB, RCK ట్రై కమిషనరేట్ల పరిధిలో 2024లో ట్రాఫిక్ చల్లాన్ల సంఖ్య 81,19,743గా నమోదయింది. ఇందులో వివిధ ఉల్లంఘనల్లో పెరుగుదల గుర్తించారు. మొబైల్ ఫోన్ డ్రైవింగ్ 34.54%, సిగ్నల్ జంపింగ్ 25.34%, మద్యం సేవించి డ్రైవింగ్ 18.53%, నో హెల్మెట్ డ్రైవింగ్ 17.88%, ట్రిపుల్ బైక్ రైడింగ్ 7.84% పెరిగాయని వార్షిక రిపోర్టులో వెళ్లడైంది.
News January 2, 2025
సికింద్రాబాద్: 2024లో 1,194 కిలోల గంజాయి పట్టివేత
2024లో సికింద్రాబాద్ రైల్వే స్టేషన్ పరిధిలో 1,194 కిలోల గంజా‌ను పట్టుకున్నారు. ప్రభుత్వ రైల్వే పోలీసు(GRP) అధికారులు రూ.2.98 కోట్ల విలువైన గంజాయిగా గుర్తించారు. 38 కేసులలో 53 వ్యాపారులు అరెస్టయ్యారని SP చందన తెలిపారు. జీఆర్పీ పోలీస్ స్టేషన్ గంజాయి రవాణాపై నిఘా పెట్టి తనిఖీలు చేస్తున్నట్లు తెలిపింది.