News December 29, 2024
ఓటర్లు ల‌క్ష మంది.. ఓటేసింది 2 వేల మందే
2024 సార్వ‌త్రిక ఎన్నిక‌ల్లో ఓట‌రుగా న‌మోదు చేసుకోవ‌డంలో చూపిన ఆస‌క్తిని, ఓటు వేయ‌డంలో చూప‌లేదు విదేశాల్లో ఉన్న భార‌తీయులు. గ‌త ఎన్నిక‌ల కోసం 1.20 ల‌క్ష‌ల మంది ఓవ‌ర్‌సీస్ ఓట‌ర్లుగా న‌మోదు చేసుకున్నారు. అయితే వీరిలో కేవలం 2,958 మంది మాత్ర‌మే ఓటు వేయ‌డానికి పోలింగ్ రోజు స్వ‌దేశానికి రావ‌డం గ‌మ‌నార్హం. కేర‌ళ నుంచి అత్య‌ధికంగా 89 వేల మంది ఓట‌ర్లుగా న‌మోదు చేసుకున్నట్టు ఈసీ గణాంకాలు వెల్లడించాయి.
Similar News
News January 4, 2025
మాల్దీవుల ప్రగతికి అండగా ఉంటాం: జైశంకర్
మాల్దీవుల ప్రగతికి, సుస్థిరతకు భారత్ ఎప్పుడూ అండగా ఉంటుందని విదేశీ వ్యవహారాల మంత్రి ఎస్ జైశంకర్ స్పష్టం చేశారు. మాల్దీవుల విదేశాంగ మంత్రి అబ్దుల్లా ఖలీల్ న్యూఢిల్లీ పర్యటన సందర్భంగా ఢిల్లీలో జరిగిన భేటీ అనంతరం ఆయన పలు ఒప్పందాలపై సంతకాలు చేశారు. ఈ నేపథ్యంలో పొరుగు దేశాలతో సత్సంబంధాలను కొనసాగిస్తామని జైశంకర్ పేర్కొన్నారు. అటు.. భారత్‌తో బంధం బలోపేతానికి కట్టుబడి ఉన్నట్లు ఖలీల్ ట్వీట్ చేశారు.
News January 4, 2025
వినియోగదారులకు EPFO గుడ్ న్యూస్
పింఛనుదారులకు కేంద్ర కార్మిక శాఖ శుభవార్త చెప్పింది. ఇకపై దేశంలో ఎక్కడి నుంచైనా, ఏ బ్యాంకునుంచైనా పెన్షన్ తీసుకునేందుకు వీలు కల్పిస్తున్నట్లు ప్రకటించింది. 68 లక్షలమంది లబ్ధిదారులు ఈ చర్యతో మేలు పొందుతారని పేర్కొంది. ఇప్పటి వరకూ EPFO కేవలం కొన్ని బ్యాంకులతోనే అగ్రిమెంట్ ఉన్న కారణంగా పింఛనుదారులు ఆయా బ్యాంకు శాఖలకు వెళ్లాల్సి వచ్చేది. ఇకపై ఆ భారం తప్పనుంది. ఈ నెల 1 నుంచి ఇది అందుబాటులోకి వచ్చింది.
News January 4, 2025
కోన్స్టస్ అందుకే బుమ్రాను రెచ్చగొట్టారేమో: పంత్
సిడ్నీ టెస్టులో తొలిరోజు ఆఖరి ఓవర్లో భారత కెప్టెన్ బుమ్రాకు, ఆస్ట్రేలియా ఓపెనర్ కోన్‌స్టాస్‌కు మధ్య వాగ్వాదం జరిగిన సంగతి తెలిసిందే. దానిపై రిషభ్ పంత్ స్పందించారు. ‘ఆస్ట్రేలియా ఆటగాళ్లు సమయం వృథా చేయాలనుకున్నారు. అందుకే కావాలని బుమ్రాను కోన్‌స్టార్ రెచ్చగొట్టారని అనుకుంటున్నా. అయితే, వారి మధ్య ఏం సంభాషణ జరిగిందో నాకు వినిపించలేదు’ అని పేర్కొన్నారు.