News December 29, 2024
నేను జనసేనలో చేరడం లేదు: తమ్మినేని సీతారాం
AP: తనకు జనసేనలో చేరాల్సిన అవసరం లేదని YCP నేత తమ్మినేని సీతారాం అన్నారు. ‘నేను పార్టీ మారుతున్నానన్న వార్తలు అవాస్తవం. నా కుమారుడు ఆస్పత్రిలో ఉండటంతో పార్టీ కార్యక్రమాలకు దూరంగా ఉంటున్నా. ప్రతి విషయాన్ని భూతద్దంలో పెట్టి చూడడం ఆపండి’ అని ఆయన వ్యాఖ్యానించారు. కాగా తమ్మినేని ప్రాతినిధ్యం వహిస్తున్న ఆమదాలవలసకు కొత్త ఇన్‌ఛార్జిని పెట్టడంతో పార్టీపై ఆయన గుర్రుగా ఉన్నట్లు ప్రచారం జరుగుతోంది.
Similar News
News January 4, 2025
రోహిత్ ఫ్యాన్స్ ఫుల్ ఖుషీ..
టెస్టుల నుంచి రిటైర్ అవ్వట్లేదని కెప్టెన్ రోహిత్ ప్రకటించడంతో హిట్‌మ్యాన్ ఫ్యాన్స్ ఖుషీ అవుతున్నారు. 5వ టెస్టు ముందు రోజు నుంచి జట్టులో చోటు చేసుకున్న పరిణామాలు, మ్యాచ్‌కు దూరం కావడంతో రిటైర్ ఊహాగానాలు వ్యాప్తి చెందాయి. దీంతో రోహిత్ ఫ్యాన్స్ ఆందోళనకు గురయ్యారు. అనుమానాలన్నింటికీ తెరదించుతూ తాను రిటైర్ అవ్వట్లేదని, ఫామ్‌లో లేని కారణంగా తాత్కాలికంగా తప్పుకున్నట్లు ప్రకటించిన విషయం తెలిసిందే.
News January 4, 2025
హోంమంత్రి అనిత పీఏపై వేటు!
AP: తన పీఏ సంధు జగదీశ్‌పై అవినీతి ఆరోపణలు రావడంతో హోంమంత్రి వంగలపూడి అనిత అతడిని విధుల నుంచి తొలగించారు. ఆయన పదేళ్లుగా మంత్రి వద్ద పనిచేస్తున్నారు. మంత్రి పేరు చెప్పి జగదీశ్ అక్రమ వసూళ్లకు తెరతీశారని, పార్టీ నాయకులతో దురుసుగా వ్యవహరించారని ఆరోపణలున్నాయి. పేకాట క్లబ్బుల నిర్వహణ, తిరుమల సిఫార్సు లేఖలు, మద్యం దుకాణాల్లో వాటాలవంటి పలు అక్రమాలకు పాల్పడినట్లు సమాచారం.
News January 4, 2025
విజయసాయి రెడ్డికి ఈడీ నోటీసులు
AP: కాకినాడ పోర్టు వ్యవహారంలో వైసీపీ ఎంపీ విజయసాయి రెడ్డికి ఈడీ మరోసారి నోటీసులు ఇచ్చింది. విచారణకు హాజరుకావాలని నోటీసుల్లో పేర్కొంది. గతంలోనూ ఓ సారి ఈడీ నోటీసులు ఇవ్వగా, అప్పుడు పార్లమెంట్ సమావేశాలు జరుగుతుండటంతో ఆయన హాజరుకాలేదు. తాజా నోటీసుల నేపథ్యంలో VSR విచారణకు హాజరవుతారా? లేదా? అనేది చూడాల్సి ఉంది. కాకినాడ పోర్టులో కేవీ రావు వాటాలను బలవంతంగా లాక్కున్నారనే ఆరోపణలు ఉన్నాయి.