News December 30, 2024
సర్వ శిక్షా ఉద్యోగులు వెంటనే సమ్మె విరమించాలి: మంత్రి పొన్నం
TG: కేజీబీవీల్లో పనిచేసే సర్వ శిక్షా అభియాన్ ఉద్యోగులు వెంటనే సమ్మె విరమించాలని మంత్రి పొన్నం ప్రభాకర్ కోరారు. సమ్మె విరమిస్తే వారి సమస్యలను కేంద్ర, రాష్ట్ర ప్రభుత్వాల దృష్టికి తీసుకువెళ్లి పరిష్కరిస్తామని చెప్పారు. 25 రోజులుగా సమ్మె చేయడంతో విద్యార్థులు తీవ్రంగా నష్టపోతున్నారని పేర్కొన్నారు. ఆర్థికపరమైన డిమాండ్స్‌పై క్యాబినెట్ సబ్ కమిటీ భేటీలో చర్చించిన తరువాత నిర్ణయం తీసుకుంటామన్నారు.
Similar News
News January 5, 2025
విశ్వవేదికలపై మెరిసిన భారతీయ తార
బాలీవుడ్ హీరోయిన్ దీపిక పదుకొణె విశ్వవేదికలపై భారత కీర్తిని చాటారు. 2022 ఫిఫా WC ట్రోఫీని ఆవిష్కరించి, ఆ ఘనత సాధించిన తొలి ఇండియన్‌గా నిలిచారు. ఆ మరుసటి ఏడాది 2023లో ఆస్కార్ అవార్డుల ప్రదానోత్సవంలో తళుక్కున మెరిశారు. తెలుగు సినిమా RRRలోని ‘నాటు నాటు’ పాటకు అవార్డు వచ్చినట్లు ఆమె స్వయంగా స్టేజీపై ప్రకటించారు. 2022లో కేన్స్ ఫిల్మ్ ఫెస్టివల్ జ్యూరీ మెంబర్‌గానూ దీపిక వ్యవహరించారు. ఇవాళ దీపిక బర్త్‌డే.
News January 5, 2025
పాప్‌కార్న్ Vs మఖాన.. ఏది తింటే మంచిది?
పాప్‌కార్న్ కంటే మఖానాలో తక్కువ క్యాలరీలు, ఎక్కువ ప్రొటీన్ కంటెంట్ ఉంటుంది. ఫ్యాట్ కూడా తక్కువ మోతాదులో ఉండి గుండె ఆరోగ్యాన్ని మెరుగుపరుస్తుంది. క్యాల్షియం, మెగ్నీషియం, పొటాషియం వంటి మినరల్స్ ఉండి ఎముకలు, కండరాలు దృఢంగా మారడానికి దోహదపడుతుంది. అయితే పాప్‌కార్న్‌లో ఫైబర్ కంటెంట్ అధికంగా ఉన్నా దాన్ని తయారుచేసే విధానాల వల్ల బటర్, ఆయిల్, సాల్ట్ కలిసి అందులోని న్యూట్రిషన్ ఉపయోగాలు శరీరానికి అందవు.
News January 5, 2025
అందుకే భూమి లేనివారికీ రూ.12వేలు: CM
TG: సాగు చేసేవారితో పాటు భూమి లేని వ్యవసాయ కుటుంబాలకూ రైతు భరోసా ఇస్తామని సీఎం రేవంత్ రెడ్డి ప్రకటించిన విషయం తెలిసిందే. భూమి లేకపోవడం ఒక శాపమైతే, ప్రభుత్వం కూడా తమను ఆదుకోవడం లేదని పాదయాత్ర సమయంలో తన దృష్టికి వచ్చిందని సీఎం చెప్పారు. వారు కూడా సమాజంలో భాగమేనని గుర్తించి, ఏటా రూ.12వేలు ఇవ్వాలని నిర్ణయించినట్లు చెప్పారు.