News December 31, 2024
టాలెంట్ ఉన్నా, మెడల్స్ తెచ్చినా పట్టింపేలేదు!
ఒలింపిక్స్‌లో ఇండియా తరఫున ఆడి 2 స్వర్ణాలు, 11 రజతాలు, 3 కాంస్యాలు సాధించిన పరాగ్ పాటిల్ ఇప్పుడు క్యాబ్ నడుపుకుంటున్నాడని ఓ నెటిజన్ చేసిన ట్వీట్ వైరలవుతోంది. దీనిపై ‘ఖేల్ ఇండియా’ స్పందించింది. ‘ఆయన ఒలింపిక్స్‌లో ఆడలేదు. కానీ సీనియర్ ఒలింపిక్స్(వెటరన్స్)లో మెడల్స్ సాధించారు. ఇంటర్నేషనల్ మెడల్స్ కూడా సాధించారు. IND నుంచి వెళ్లిన ప్రతిసారి మెడల్స్‌తో తిరిగొచ్చినా గుర్తింపు లభించలేదు’ అని పేర్కొంది.
Similar News
News November 7, 2025
ఎందుకు అరెస్టు చేస్తున్నారో చెప్పాల్సిందే: సుప్రీం
కారణాలు చెప్పకుండా అరెస్టు చేయకూడదని సుప్రీంకోర్టు స్పష్టం చేసింది. ఎందుకు అరెస్టు చేశారు? FIRలో ఏం రాశారు? ఏ చట్టాలను ప్రస్తావించారో నిందితులకు చెప్పాలని తేల్చి చెప్పింది. ‘అరెస్టుకు ముందు లేదా అరెస్టయిన తక్షణమే కారణాలు చెప్పాలి. 2 గంటల్లోపే మేజిస్ట్రేట్ ముందు హాజరుపర్చగలిగితే ఇది వర్తించదు’ అని తెలిపింది. తన అరెస్టుకు కారణాలు చెప్పలేదంటూ మిహిర్ రాజేశ్(ముంబై) వేసిన కేసులో ఈ తీర్పు వెల్లడించింది.
News November 7, 2025
40 తర్వాత ఆహారంలో ఇవి చేర్చుకోండి
వ‌య‌స్సు మీద ప‌డుతున్న కొద్దీ క‌చ్చితంగా ఆరోగ్య‌క‌ర‌మైన ఆహారం తీసుకోవాలంటున్నారు నిపుణులు. 40 ఏళ్ల‌కు పైబ‌డిన త‌రువాత జంక్ ఫుడ్‌కు పూర్తిగా స్వ‌స్తి చెప్పి ఆహారంలో టమాటాలు, చిల‌గ‌డదుంప‌లు, కోడిగుడ్లు, పుట్ట గొడుగులు, యాపిల్ పండ్లు, బాదం తీసుకోవాలని సూచిస్తున్నారు. దీంతో అజీర్తి, గ్యాస్‌, మ‌ల‌బ‌ద్ద‌కం తగ్గుతాయి. కొలెస్ట్రాల్‌, బీపీ నియంత్ర‌ణ‌లో ఉండి గుండెజబ్బులు రాకుండా ఉంటాయని చెబుతున్నారు.
News November 7, 2025
పనులు ఆపేస్తాం.. ప్రభుత్వానికి బిల్డర్ల అల్టిమేటం
TG: రెండేళ్లుగా పెండింగ్‌లో ఉన్న రూ.36వేల కోట్ల బిల్లులను ఈ నెలాఖరులోగా చెల్లించాలని బిల్డర్స్ అసోసియేషన్ ఆఫ్ ఇండియా ప్రభుత్వానికి అల్టిమేటం జారీ చేసింది. లేదంటే డిసెంబర్ 1 నుంచి అన్ని శాఖల పరిధిలో సివిల్ వర్క్స్ నిలిపివేస్తామని స్పష్టం చేసింది. కాంట్రాక్టర్లు ఆస్తులను తాకట్టు పెట్టి పనులు చేశారని, వారి ఆర్థిక ఇబ్బందులను దృష్టిలో పెట్టుకుని వెంటనే బిల్లులు విడుదల చేయాలని డిమాండ్ చేసింది.