News December 31, 2024
2024లో BRSకు రాజకీయ సవాళ్లు
April 27, 2001లో TRSను KCR స్థాపించిన నాటి నుంచి ఎన్న‌డూ లేని విధంగా లోక్‌స‌భ‌లో ఆ పార్టీ ప్రాతినిధ్యాన్ని కోల్పోయింది. 2004లో 5 సీట్లు, 2009లో 2, 2014లో 11, 2019లో 9 సీట్లు గెలిచిన బీఆర్ఎస్ 2024లో ఖాతా తెర‌వ‌క‌పోవ‌డం రాజ‌కీయంగా ఆ పార్టీకి దెబ్బ అనే చెప్పాలి. ఢిల్లీ లిక్క‌ర్ స్కాం కేసులో క‌విత అరెస్టు, 10 మంది ఎమ్మెల్యేలు పార్టీ మార‌డం వంటి ప‌రిణామాలు 2024లో BRSకు రాజ‌కీయంగా స‌వాల్ విసిరాయి.
Similar News
News January 5, 2025
SHOCKING: పెళ్లికాని జంటలకు ఓయోలో నో రూమ్స్
హోటల్ బుకింగ్ సంస్థ ఓయో నూతన చెక్ ఇన్ పాలసీని తీసుకొచ్చింది. దీని ప్రకారం పెళ్లి కాని జంటలు రూమ్‌ను బుక్ చేసుకునే అవకాశం ఉండదు. ఈ నిబంధనలను తొలుత UP మీరట్‌లో అమలుచేస్తోంది. ఆ తర్వాత దేశమంతా విస్తరించే అవకాశం ఉంది. ఇకపై రూమ్ బుకింగ్ సమయంలో జంటలు తమ పెళ్లిని నిర్ధారించే IDని సమర్పించాలి. సురక్షితమైన, బాధ్యతాయుతమైన హాస్పిటాలిటీకి తాము కట్టుబడి ఉన్నామని ఓయో నార్త్ ఇండియా హెడ్ పవాస్ శర్మ తెలిపారు.
News January 5, 2025
దేవాలయాలపై దాడులు పెరిగాయి: పురందీశ్వరి
AP: దేవాలయాలకు స్వయం ప్రతిపత్తి ఇవ్వాలని రాష్ట్ర BJP చీఫ్, MP పురందీశ్వరి అన్నారు. ఆలయాలకు రక్షణ కల్పించాలని, హిందూ ధర్మం సంప్రదాయాలను కాపాడాలని కోరారు. ధార్మిక క్షేత్రాల్లో అన్యమతస్థులు పెరిగారని, నియంత్రించాలన్నారు. దేవాలయాలపై దాడులు పెరిగాయని హైందవ శంఖారావంలో చెప్పారు. ఆలయాలకు స్వయం ప్రతిపత్తి వచ్చే వరకు పోరాడతామని, మతాన్ని రాజకీయం చేశారని VHP నేత, సభ అధ్యక్షుడు గోకరాజు గంగరాజు అన్నారు.
News January 5, 2025
నేను ఎంత సున్నితమో.. అంత కఠినం కూడా: సీత‌క్క
‘నేను ఎంత సున్నితమో, అంతే కఠినంగా కూడా ఉంటా’ అని మంత్రి సీత‌క్క వ్యాఖ్యానించారు. ఆదివారం HYDలో DPOలతో స‌మావేశ‌మైన ఆమె గ్రామీణ ప్రాంతాల సమస్యల ప‌రిష్కారంపై దిశానిర్దేశం చేశారు. స్థానిక పరిస్థితులను బట్టి ప్రణాళికలు రూపొందించి ఆచరణలో పెట్టాలని ఆదేశించారు. తప్పులను సరిదిద్దుకొని విధుల్లో వేగం పెంచాలని సూచించారు. PR శాఖను ఫ్యామిలీగా భావిస్తానని, ఉద్యోగుల సమస్యల పరిష్కారానికి కృషి చేస్తానన్నారు.