News January 1, 2025
టెస్టుల్లో 148 ఏళ్లలో తొలిసారిగా గత ఏడాది ఆ ఘనత!
గత ఏడాది టెస్టు క్రికెట్లో ఓ ఆసక్తికర రికార్డు నమోదైంది. 148 ఏళ్ల టెస్టు క్రికెట్ చరిత్రలో తొలిసారిగా గత ఏడాది 53 టెస్టుల్లో 50 మ్యాచుల్లో ఫలితాలు వచ్చాయి. మూడు మ్యాచులు మాత్రమే డ్రాగా ముగిశాయి. ఇంగ్లండ్ 9 టెస్టులు, భారత్ 8, ఆస్ట్రేలియా, న్యూజిలాండ్, సౌతాఫ్రికా, శ్రీలంక తలో ఆరేసి, బంగ్లా, ఐర్లాండ్, పాక్, వెస్టిండీస్ రెండేసి చొప్పున టెస్టులు గెలిచాయి.
Similar News
News January 6, 2025
ఒక్క ‘సిరీస్’ ఎంత పని చేసింది
బోర్డర్-గవాస్కర్ ట్రోఫీ.. భారత డ్రెస్సింగ్ రూమ్‌లో తుఫాన్ సృష్టించింది. ఆటగాళ్లపై ఎన్నో విమర్శలకు కారణమైంది. రోహిత్ ఫామ్ కోల్పోవడంతో కెప్టెన్సీ వదిలేయాలని వార్నింగ్‌లొచ్చాయి. పదేపదే స్లిప్‌లో క్యాచ్ ఇచ్చి ఔటైన కోహ్లీ రిటైర్మెంట్ ప్రకటించాలని, ఓటములకు బాధ్యత వహిస్తూ గంభీర్ కోచ్‌గా దిగిపోవాలని కామెంట్స్ వినిపించాయి. పలువురు మినహా పెద్దగా ఎవరూ రాణించకపోవడంతో ఫ్యాన్స్, మాజీల నుంచి ఆగ్రహం వ్యక్తమైంది.
News January 6, 2025
రిటైర్మెంట్ ప్రకటించిన రిషి ధావన్
భారత క్రికెటర్ రిషి ధావన్ రిటైర్మెంట్ ప్రకటించారు. విజయ్ హజారే ట్రోఫీలో హిమాచల్ ప్రదేశ్ కెప్టెన్‌గా వ్యవహరిస్తున్న అతడు నిన్న ఆంధ్రాతో మ్యాచ్ అనంతరం పరిమిత ఓవర్ల క్రికెట్ నుంచి తప్పుకుంటున్నట్లు తెలిపారు. ఈ సీజన్‌లో ఇప్పటివరకు ఆడిన 5 మ్యాచ్‌ల్లో 397 రన్స్ చేసి, 11 వికెట్లు పడగొట్టారు. రిషి IND తరఫున 3వన్డేలు, ఒక T20 ఆడారు. IPLలో పంజాబ్, ముంబై, కోల్‌కతాకు ప్రాతినిధ్యం వహించారు.
News January 6, 2025
నిప్పు లేనిదే పొగ రాదు: ఏబీ డివిలియర్స్
భారత డ్రెస్సింగ్ రూమ్‌లో ఏదో జరుగుతోందని సౌతాఫ్రికా మాజీ క్రికెటర్ ఏబీ డివిలియర్స్ అనుమానం వ్యక్తం చేశారు. నిప్పు లేనిదే పొగ రాదని ఆయన చెప్పారు. ‘విదేశాల్లో ఆడేటప్పుడు ఆటగాళ్లపై తీవ్ర ఒత్తిడి ఉంటుంది. కుటుంబాన్ని వదిలేసి వారాల తరబడి ఉండటం వారిని కుంగదీస్తుంది. BGTలో వరుస ఓటములు భారత ఆటగాళ్లలో విభేదాలు సృష్టించి ఉండొచ్చు. క్రికెటర్లు అత్యుత్తమ ఆట ఆడనప్పుడు ఇలాంటి రూమర్లు వస్తాయి’ అని పేర్కొన్నారు.