News January 1, 2025
మరణశిక్షను రద్దు చేసిన జింబాబ్వే
జింబాబ్వే మరణ శిక్షను రద్దు చేసింది. ఈ మేరకు బిల్లుపై అధ్యక్షుడు ఎమెర్సన్ నాన్‌గాగ్వా సంతకం చేశారు. ఇప్పటికే మరణశిక్ష పడిన 60మందికి దాన్ని అధికారులు జీవిత ఖైదుగా మార్చనున్నారు. 2005 నుంచి అక్కడ మరణ శిక్షల రద్దు గురించిన చర్చ నడుస్తోంది. వ్యతిరేకత ఉన్నప్పటికీ కోర్టులు మరణశిక్షను విధిస్తూ వచ్చాయి. తాజా చట్టంతో ఇక గరిష్ఠంగా జీవిత ఖైదు మాత్రమే విధించేందుకు వీలుంటుంది.
Similar News
News January 6, 2025
9న ఓటీటీలోకి ‘బచ్చలమల్లి’?
అల్లరి నరేశ్ నటించిన ‘బచ్చలమల్లి’ గతేడాది డిసెంబర్ 20న థియేటర్లలో విడుదలై పాజిటివ్ టాక్ తెచ్చుకుంది. తాజాగా ఈ మూవీ ఓటీటీ రిలీజ్‌కు సిద్ధమైనట్లు తెలుస్తోంది. ఈనెల 9న అమెజాన్ ప్రైమ్‌లో చిత్రం స్ట్రీమింగ్ కానున్నట్లు సమాచారం. దీనిపై అధికారిక ప్రకటన రావాల్సి ఉంది. సుబ్బు మంగాదేవి దర్శకత్వం వహించిన ఈ మూవీలో అమృతా అయ్యర్ హీరోయిన్‌గా నటించారు.
News January 6, 2025
ఒక్క ‘సిరీస్’ ఎంత పని చేసింది
బోర్డర్-గవాస్కర్ ట్రోఫీ.. భారత డ్రెస్సింగ్‌ రూమ్‌లో తుఫాన్ సృష్టించింది. ఆటగాళ్లపై ఎన్నో విమర్శలకు కారణమైంది. రోహిత్ ఫామ్ కోల్పోవడంతో కెప్టెన్సీ వదిలేయాలని వార్నింగ్‌లొచ్చాయి. పదేపదే స్లిప్‌లో క్యాచ్ ఇచ్చి ఔటైన కోహ్లీ రిటైర్మెంట్ ప్రకటించాలని, ఓటములకు బాధ్యత వహిస్తూ గంభీర్ కోచ్‌గా దిగిపోవాలని కామెంట్స్ వినిపించాయి. పలువురు మినహా పెద్దగా ఎవరూ రాణించకపోవడంతో ఫ్యాన్స్, మాజీల నుంచి ఆగ్రహం వ్యక్తమైంది.
News January 6, 2025
రిటైర్మెంట్ ప్రకటించిన రిషి ధావన్
భారత క్రికెటర్ రిషి ధావన్ రిటైర్మెంట్ ప్రకటించారు. విజయ్ హజారే ట్రోఫీలో హిమాచల్ ప్రదేశ్ కెప్టెన్‌గా వ్యవహరిస్తున్న అతడు నిన్న ఆంధ్రాతో మ్యాచ్ అనంతరం పరిమిత ఓవర్ల క్రికెట్ నుంచి తప్పుకుంటున్నట్లు తెలిపారు. ఈ సీజన్‌లో ఇప్పటివరకు ఆడిన 5 మ్యాచ్‌ల్లో 397 రన్స్ చేసి, 11 వికెట్లు పడగొట్టారు. రిషి IND తరఫున 3వన్డేలు, ఒక T20 ఆడారు. IPLలో పంజాబ్, ముంబై, కోల్‌కతాకు ప్రాతినిధ్యం వహించారు.