News January 1, 2025
గాయనితో బీజేపీ ఎంపీ పెళ్లికి ముహూర్తం ఖరారు
అత్యంత పిన్నవయస్కుడైన ఎంపీలలో ఒకరైన బీజేపీ నేత తేజస్వీ సూర్య త్వరలో పెళ్లి చేసుకోనున్నారు. ఈ ఏడాది మార్చి 24న చెన్నైకు చెందిన గాయని శివశ్రీ స్కంద ప్రసాద్‌, తాను వివాహబంధంతో ఒక్కటవనున్నట్లు ఆయన ప్రకటించారు. తేజస్వి బెంగళూరు దక్షిణ నియోజకవర్గం నుంచి ఎంపీగా ఉండగా, శివశ్రీ గాయనిగా, భరతనాట్య కళాకారిణిగా రాణిస్తున్నారు.
Similar News
News January 6, 2025
రిటైర్మెంట్ ప్రకటించిన రిషి ధావన్
భారత క్రికెటర్ రిషి ధావన్ రిటైర్మెంట్ ప్రకటించారు. విజయ్ హజారే ట్రోఫీలో హిమాచల్ ప్రదేశ్ కెప్టెన్‌గా వ్యవహరిస్తున్న అతడు నిన్న ఆంధ్రాతో మ్యాచ్ అనంతరం పరిమిత ఓవర్ల క్రికెట్ నుంచి తప్పుకుంటున్నట్లు తెలిపారు. ఈ సీజన్‌లో ఇప్పటివరకు ఆడిన 5 మ్యాచ్‌ల్లో 397 రన్స్ చేసి, 11 వికెట్లు పడగొట్టారు. రిషి IND తరఫున 3వన్డేలు, ఒక T20 ఆడారు. IPLలో పంజాబ్, ముంబై, కోల్‌కతాకు ప్రాతినిధ్యం వహించారు.
News January 6, 2025
నిప్పు లేనిదే పొగ రాదు: ఏబీ డివిలియర్స్
భారత డ్రెస్సింగ్ రూమ్‌లో ఏదో జరుగుతోందని సౌతాఫ్రికా మాజీ క్రికెటర్ ఏబీ డివిలియర్స్ అనుమానం వ్యక్తం చేశారు. నిప్పు లేనిదే పొగ రాదని ఆయన చెప్పారు. ‘విదేశాల్లో ఆడేటప్పుడు ఆటగాళ్లపై తీవ్ర ఒత్తిడి ఉంటుంది. కుటుంబాన్ని వదిలేసి వారాల తరబడి ఉండటం వారిని కుంగదీస్తుంది. BGTలో వరుస ఓటములు భారత ఆటగాళ్లలో విభేదాలు సృష్టించి ఉండొచ్చు. క్రికెటర్లు అత్యుత్తమ ఆట ఆడనప్పుడు ఇలాంటి రూమర్లు వస్తాయి’ అని పేర్కొన్నారు.
News January 6, 2025
కమిన్స్.. ఈజీగా కప్పులు కొట్టేస్తున్నాడు!
ఆస్ట్రేలియా కెప్టెన్ కమిన్స్ ఐసీసీ ట్రోఫీల్లో అదరగొడుతున్నారు. తన నాయకత్వంలో ఆస్ట్రేలియా వరల్డ్ టెస్ట్ ఛాంపియన్‌షిప్, వన్డే వరల్డ్ కప్, యాషెస్, BGT సిరీస్‌లు గెలుచుకుంది. కెప్టెన్సీతో పాటు బ్యాటింగ్, బౌలింగుల్లో కమిన్స్ అద్భుతంగా రాణిస్తున్నారు. అంతర్జాతీయ క్రికెట్‌లో మాత్రమే కాదు గతేడాది IPLలో SRHను ఫైనల్‌కు తీసుకొచ్చిందీ ఈ ఆస్ట్రేలియా స్టారే.