News January 1, 2025
2025లో మీ రెజల్యూషన్స్ ఏంటి?
కొత్త ఏడాదికి గ్రాండ్‌గా వెల్కమ్ చెప్పేశాం. 2025లో మీరు ఏమైనా రెజల్యూషన్స్ పెట్టుకున్నారా? ఏదైనా సాధించాలని, ఉద్యోగం పొందాలని, జీతం పెరిగే ఉద్యోగం దొరకాలని, జీవితం మారాలని, పొదుపు చేయాలని, మందు, సిగరెట్ మానేయాలని, పెళ్లి చేసుకోవాలని, డైట్ ఫాలో కావాలని, జిమ్‌కు వెళ్లాలని, మందు తాగకూడదని, దూరమైన వారితో తిరిగి మాట్లాడాలని.. ఇలా మీ రెజల్యూషన్స్ ఏంటో? కామెంట్ చేయండి. వాటిని ఇవాళ్టి నుంచే ప్రారంభించండి.
Similar News
News January 6, 2025
కానిస్టేబుల్ దేహదారుఢ్య పరీక్షలు వాయిదా
AP: పోలీస్ కానిస్టేబుల్ దేహదారుఢ్య పరీక్షలు కొన్ని జిల్లాల్లో వాయిదా పడ్డాయి. వైకుంఠ ఏకాదశి, ఇతర లా అండ్ ఆర్డర్ సమస్యల వల్ల వాయిదా వేస్తున్నట్లు రాష్ట్ర పోలీస్ రిక్రూట్‌మెంట్ బోర్డ్ ప్రకటించింది. శ్రీకాకుళం, విజయనగరం, విశాఖలో జనవరి 8న జరగాల్సిన పరీక్షలను జనవరి 11న.. అనంతపురంలో 8-10వరకు జరగాల్సిన పరీక్షలను 17-20, చిత్తూరులో 8, 9న జరగాల్సిన ఎగ్జామ్స్‌ను 17, 18 తేదీలకు మార్చినట్లు పేర్కొంది.
News January 6, 2025
నేటి నుంచి కుప్పంలో చంద్రబాబు పర్యటన
AP: సీఎం చంద్రబాబు నేటి నుంచి 2 రోజుల పాటు సొంత నియోజకవర్గం కుప్పంలో పర్యటించనున్నారు. సోమవారం ద్రవిడ వర్సిటీలో ‘స్వర్ణ కుప్పం విజన్-2029’ డాక్యుమెంట్ విడుదల చేయనున్నట్లు పార్టీ వర్గాలు చెప్పాయి. అలాగే కుప్పం (M) నడిమూరులో గృహాలపై ఏర్పాటు చేసిన సోలార్ పలకల పైలెట్ ప్రాజెక్టును ప్రారంభిస్తారని తెలిపాయి. రేపు కుప్పం టీడీపీ ఆఫీసుకు వెళ్లనున్న చంద్రబాబు నియోజకవర్గ నేతలు, కార్యకర్తలను కలవనున్నారు.
News January 6, 2025
రేసింగ్ కేసు.. ఇవాళ విచారణకు కేటీఆర్!
TG: ఫార్ములా-ఈ కార్ రేసు కేసులో మాజీ మంత్రి KTR ఇవాళ ఉ.10.30 గం.లకు ACB ఎదుట హాజరుకానున్నారు. UKకు చెందిన రేసింగ్ నిర్వహణ సంస్థకు రూ.45.71కోట్లు నిబంధనలకు విరుద్ధంగా చెల్లించినట్లు ఆయనపై అభియోగాలున్నాయి. దీనిపై విచారణ చేపట్టిన ACB విచారణకు రావాలంటూ ఈనెల 3న కేటీఆర్‌కు నోటీసులు ఇచ్చింది. ఇదే కేసుపై దర్యాప్తు జరుపుతున్న ఈడీ ఈనెల 7న(రేపు) తమ ఎదుట హాజరుకావాలని ఆయనకు నోటీసులు పంపిన సంగతి తెలిసిందే.