News January 1, 2025
డ్రగ్స్ కంట్రోల్ అడ్మినిస్ట్రేషన్ బలోపేతం చేస్తున్నాం: రాజనర్సింహ
డ్రగ్స్ కంట్రోల్ అడ్మినిస్ట్రేషన్ ఆధ్వర్యంలో రూపొందించిన వార్షిక నివేదిక-2024ను మంత్రి దామోదర్ రాజనర్సింహ హైదరాబాద్‌లోని తన నివాసంలో ఆ శాఖ DG కమల్ హాసన్ రెడ్డితో కలిసి ఆవిష్కరించారు. ఈ ఆవిష్కరణలో మంత్రి మాట్లాడుతూ.. రాష్ట్రంలో డ్రగ్స్ కంట్రోల్ అడ్మినిస్ట్రేషన్‌ను బలోపేతం చేస్తున్నామన్నారు. రాష్ట్రంలో డ్రగ్స్ రాకెట్ నిర్వహించే వ్యక్తులను గుర్తించి వారిపై చట్టపరమైన కేసులను నమోదు చేయాలన్నారు.
Similar News
News January 6, 2025
హైదరాబాద్ జిల్లా కనిష్ఠ ఉష్ణోగ్రతలు
హైదరాబాద్ జిల్లాలో కనిష్ఠ ఉష్ణోగ్రతలు కొనసాగుతున్నాయి. గడచిన 24 గంటల్లో వెస్ట్ మారేడ్‌పల్లిలో 13.3, సులేమాన్ నగర్ 13.6, గోల్కొండ 13.9, కంటోన్మెంట్ 14, షేక్‌పేట 14.2, మోండామార్కెట్ 14.4, లంగర్‌హౌస్ 14.6, ముషీరాబాద్ 14.8, రియాసత్‌నగర్ 14.8, చాంద్రయాణ గుట్ట 14.9, ఆసిఫ్‌నగర్‌లో 14.9℃గా నమోదైంది. కాగా ఈ ప్రాంతాలన్నింటికి వాతావరణ శాఖ ఎల్లో అలెర్ట్ జారీ చేసింది.
News January 6, 2025
చర్లపల్లి టర్మినల్ సేవలకు ఇదే కీలకం..!
చర్లపల్లి రైల్వే టర్మినల్ చుట్టూ చర్లపల్లి ఇండస్ట్రియల్ ఏరియా ఉంది. ఆయా ప్రాంతాల్లో పదేపదే అగ్ని ప్రమాదాలు జరుగుతున్నాయి. కిక్కిరిసిన రోడ్లతో ప్రజలు ఇబ్బంది పడే అవకాశం ఉంది. అద్భుతంగా నిర్మించిన చర్లపల్లి టర్మినల్, మెరుగైన సేవలు అందించాలంటే, చుట్టూ ఉన్న రోడ్ల అభివృద్ధితో పాటు, భద్రతా చర్యలు కట్టుదిట్టం చేయాలని ప్రజలు కోరుతున్నారు.
News January 5, 2025
HYDలో పరిగి కానిస్టేబుల్ సూసైడ్
HYDలో మరో కానిస్టేబుల్ సూసైడ్ చేసుకోవడం కలకలం రేపింది. ఆదివారం HYD అంబర్‌పేటలోని తన నివాసంలో భాను శంకర్‌ ఉరి వేసుకున్నాడు. అయితే, భానుశంకర్‌ వికారాబాద్ జిల్లా పరిగి పోలీస్ స్టేషన్‌లో కానిస్టేబుల్‌గా విధులు నిర్వహిస్తున్నట్లు స్థానికులు తెలిపారు. గత వారం వ్యవధిలోనే ముగ్గురు పోలీసులు HYDలోనే సూసైడ్ చేసుకోవడం గమనార్హం. అయితే, భాను శంకర్‌ మృతికి గల కారణాలు తెలియాల్సి ఉంది.